1. ბიუჯეტირება
შეადგინეთ თქვენი შემოსავლების (სტიპენდიების, დანაზოგებისა თუ ნახევარ განაკვეთიანი სამსახურებიდან გამომუშავებული თანხების) და ყველა მოსალოდნელი ხარჯის (სწავლის, საცხოვრებელის, საკვების, ტრანსპორტირების და სხვ.) დეტალური ბიუჯეტი და მიჰყევით აღნიშნულს მაქსიმალურად.
2. კვლევითი სტიპენდიები და გრანტები
მოიძიეთ საერთაშორისო სტუდენტებისა თუ იმ ნებისმიერი სტუდენტისთვის განკუთვნილი კვლევითი სტიპენდიები და გრანტები, ვინც საზღვარგარეთ სწავლობს. აღნიშნული სწავლის, საცხოვრებელისა თუ სხვა ხარჯების კონპენსირებაში დაგეხმარებათ.
3. ნახევარ განაკვეთიანი სამსახური
გამოიკვლიეთ ნახევარ განაკვეთზე მუშაობის შესაძლებლობები და საერთაშორისო სტუდენტებისთვის მასპინძელ ქვეყანაში სამუშაო საათებზე არსებული შეზღუდვები. ისეთი სამუშაოები, როგორიცაა რეპეტიტორობა, ძიძობა ან მომსახურების სფერო, დამატებითი შემოსავალის წყაროა.
4. სახლში მოამზადეთ საჭმელი
საჭმელად გარეთ გასვლა ხშირად დიდ ფინანსებთან არის დაკავშირებული. სასურველია თუ სახლში მოამზადებთ, რაც რესტორანში შეკვეთასთან შედარებით ბევრად იაფი ჯდება. დაგეგმე რისი მომზადება გსურთ და სტრატეგიულად შეარჩიეთ სურველი ინგრედიენტები, რათა არასაჭირო საკვების ყიდვის შანსი მინიმუმამდე დაიყვანოთ.
5. ისარგებლეთ სტუდენტურიფასდაკლებებით
შეძლებისდაგვარად ისარგებლეთ სტუდენტური ფასდაკლებებით. ბევრი მუზეუმი, კინოთეატრი, საზოგადოებრივი ტრანსპორტის სერვისები თუ სხვადასხვა ბიზნესები სტუდენტებს შემცირებულ ტარიფებს სთავაზობს. ამიტომ ყოველთვის თან იქონიეთ სტუდენტური D ბარათი.
6. საზოგადოებრივი ტრანსპორტი
ტაქსებთან და სხვა სამგზავრო სერვისების ნაცვლად უპირატესობა საზოგადოებრივი ტრანსპორტს მიანიჭეთ, რადგან ის ფინანსურად ბევრად უფრო ხელმისაწვდომია. შეიძინეთ ყოველთვიური ან ყოველკვირეული აბონემენტები, რათა ხშირად ისარგებლოთ საზოგადოებრივი ტრანსპორტით.
7. საცხოვრებელი სივრცის გაზიარება
ოთახის თანამაცხოვრებლებთან ერთად სივრცის გაზიარებამ შესაძლოა მნიშვნელოვნად შეამციროს თქვენი საცხოვრებელი ხარჯები. მოძებნეთ ისეთი ვარიანტები, როგორიცაა სტუდენტური საერთო საცხოვრებლები, ბინები ან საოჯახო სასტუმროები.
8. შეზღუდეთ სამოგზაურო ხარჯები
საზღვარგარეთ სწავლის დროს ინტენსიური მოგზაურობები საკმაოდ ძვირი სიამოვნებაა. კარგად მოიფიქრეთ თქვენი მოგზაურობის მიმართულებები და განიხილეთ თქვენი ბიუჯეტისთვის შესაფერისი ვარიანტები, მაგალითად: ჯგუფური ტურები, ჰოსტელები და მეგობრებთან ან ნათესავებთან დარჩენა.
9. თვალყური ადევნეთ თქვენს ხარჯებს
თვალყური ადევნეთ ყველა ხარჯს, რათა მიხვდეთ, სად გჭირდებათ შეამცირება ან შეცვლა. გამოიყენეთ აპლიკაციები ან ელ. ცხრილები ფინანსების რეგულარულად მონიტორინგისთვის და საჭიროების შემთხვევაში ცვლილებების შესატანად.
10. მოულოდნელი ხარჯების ფონდი
გამოყავით ბიუჯეტის გარკვეული ნაწილი მოულოდნელი ან გადაუდებელი სიტუაციების ხარჯებისთვის. ფინანსური უსაფრთხოების ქსელის ქონით თავს მშვიდად იგრძნობთ, რადგან გეცოდინებათ, რომ მოულოდნელი ხარჯების შემთხვევაში, ვალებში არ ჩავარდებით.
