უმეტეს შემთხვევაში, ვიზის, ბინადრობის ნებართვის ან მუდმივი ბინადრობის ან განსახლების ნებართვის გაცემა შესაძლებელია მხოლოდ შემდეგი ზოგადი მოთხოვნების დაკმაყოფილების შემთხვევაში:
პირველ რიგში, გერმანიაში ცხოვრებისთვის უნდა გქონდეს საკმარისი შემოსავალი, სოციალური დახმარების გარეშე.
უმეტეს შემთხვევაში, თქვენ შეგიძლიათ მიიღოთ ვიზა ან ბინადრობის ნებართვა მხოლოდ იმ შემთხვევაში, თუ გაქვთ საკმარისი შემოსავალი ან ფინანსური უზრუნველყოფის სხვა საშუალებები.
სავიზო განყოფილება/უცხოელთა საქმეთა უწყება (Ausländerbehörde) ანგარიშობს, რა თანხაა საჭირო რომ გერმანიაში დახმარების გარეშე („Hartz-IV-Leistungen“) ცხოვრება იყოს შესაძლებელი. ე.წ. სტანდარტული განაკვეთი ანგარიშდება ოჯახში თითოეული ადამიანისთვის ცალკე. გარდა ამისა, ითვლება ქირის ხარჯები და დაანგარიშდება მინიმალური შემოსავალი, რომელიც გერმანიაში ცხოვრებისთვისაა საჭირო (მარტოხელა, სრულწლოვანი ადამიანის საჭიროებებისთვის 426 ევრო). გაითვალისწინეთ, რომ ეს რიცხვები ინდივიდუალურია და თითოეულ შემთხვევაში სტანდარტულად ითვლება.
თქვენი შემოსავალი უნდა გამოითვალოს. აქ მნიშვნელოვანია ყოველთვიური შემოსავალი სამსახურიდან, საგადასახადო შემწეობის გამოკლებით. საკუთარი შემოსავალი ასევე მოიცავს ბავშვის დახმარებას, მშობლის დახმარებას, პენსიებს დაზღვევის შეღავათებზე დაფუძნებულ პენსიებს, პროცენტებს და ქირავნობის შემოსავალს აქტივებიდან (განურჩევლად იმისა, გერმანიაში თუ საზღვარგარეთ). მხოლოდ იმ შემთხვევაში, თუ თქვენ გაქვთ მეტი ფული, ვიდრე გჭირდებათ თქვენი საჭიროებიდან გამომდინარე, შეიძლება თქვენი საარსებო წყარო იყოს უზრუნველყოფილი.
ასევე, საჭიროა ვიზისთვის და ბინადრობის ნებართვისთვის ის, რომ თქვენი ვინაობა უნდა იყოს იდენტიფიცირებული.
არ უნდა არსებობდეს ქვეყნიდან გაძევების ინტერესი. თუ თქვენ ჩაიდინეთ დანაშაული ან სხვაგვარად საფრთხეს უქმნით საზოგადოებრივ უსაფრთხოებას, თქვენ ვერ მიიღებთ ბინადრობის ნებართვას.
უნდა გქონდეთ მოქმედი სამოგზაურო პასპორტი.
ბინადრობის ნებართვა ჩვეულებრივ შეიძლება გაიცეს მხოლოდ იმ შემთხვევაში, თუ დაცული იქნება სავიზო პროცედურა. გერმანიაში ლეგალურად დარჩენა შეგიძლიათ მხოლოდ იმ შემთხვევაში, თუ თქვენ მიმართეთ სავიზო განყოფილებას გერმანიაში უფრო ხანგრძლივი ყოფნისთვის და მიაწოდეთ სწორი ინფორმაცია თქვენი ყოფნის მიზნის შესახებ.
არ უნდა არსებობდეს ქვეყანაში შესვლის ან ბინადრობის აკრძალვა და შენგენის გაფრთხილება. შესვლისა და ბინადრობის აკრძალვა (ე.წ. Sperrwirkung) მაშინ მოქმედებს, თუ თქვენ გაგაძევეს გერმანიიდან, თუ ზოგიერთ შემთხვევაში უარი გითხრეს თავშესაფარზე, ვინაიდან განაცხადი ჩაითვალა ,,აშკარად უსაფუძვლოდ’’ ან/და იქნა უარყოფილი., ასევე იმ შემთხვევაში თუ თქვენ გერმანიის დატოვებისთვის ვადა გქონდათ დაწესებული და ნებაყოფლობით არ დატოვეთ ქვეყანა.
