კამალა ჰარისი დაიბადა ოკლენდში, კალიფორნიაში 1964 წლის 20 ოქტომბერს. ამერიკელი იურისტი და პოლიტიკოსი, დემოკრატიული პარტიის წევრი. აშშ-ის ვიცე-პრეზიდენტი 2020 წლის არჩევნებზე. 2024 წელს კი, ის აშშ-ს პრეზიდენტობის ქალი კანდიდატია.
მისი 2019 წლის მემუარების შესავალში, „სიმართლეები, რომლებსაც ჩვენ ვფლობთ“, ჰარისმა აღნიშნა, რომ მისი სახელი ნიშნავს „ლოტოსის ყვავილს“ – ინდოეთის კულტურის მნიშვნელოვან სიმბოლოს.
ჰარისის მამა, დონალდი, იამაიკიდან ემიგრაციაში წავიდა შეერთებულ შტატებში, კალიფორნიის ბერკლის უნივერსიტეტში ეკონომიკის შესასწავლად. ახლა ის სტენფორდის ეკონომიკის პროფესორია.
მისი დედა, შიამალა გოპალან ჰარისი, ემიგრაციაში წავიდა შეერთებულ შტატებში სამხრეთ ინდოეთიდან 1950-იანი წლების ბოლოს. მან მიიღო დოქტორის ხარისხი კვებასა და ენდოკრინოლოგიაში ბერკლიში და გახდა ძუძუს კიბოს აღიარებული მკვლევარი 2009 წელს.
ჰარისი წერს, რომ მისმა მშობლებმა “ერთმანეთი გაიცნეს და შეუყვარდათ ბერკლიში, სამოქალაქო უფლებების მოძრაობაში მონაწილეობისას”, მაგრამ წყვილი მოგვიანებით განქორწინდა, როდესაც ჰარისი და მისი და მაია ახალგაზრდები იყვნენ.
ჰარისი აფასებს დედას იმისთვის, რომ „ისეთ ქალებად გვაქცია, როგორებიც ვართ“ და ასწავლა შვილებს, იამაყონ როგორც მშობლიური ამერიკით, ასევე ფერადკანიანი მემკვიდრეობით.
„ჩვენი კლასიკური ინდური სახელები ჩვენი მემკვიდრეობაა და ჩვენ ინდური კულტურის ღრმა გაგებითა და პატივისცემით აღვიზარდეთ“, – წერს ჰარისი თავის მემუარებში.
„დედაჩემმა კარგად იცოდა, რომ ორ შავკანიან ქალიშვილს ზრდიდა. მან იცოდა, რომ ამერიკა მე და მაიას ფერადკანიან გოგონებად დაგვინახავდა და მტკიცედ ჰქონდა გადაწყვეტილი, რომ თავდაჯერებული, ამაყი შავკანიანი ქალები გაეზარდა“.
კამალას იურიდიული განათლება აქვს, მან ჰასტინგსის კოლეჯში შესაბამისი ხარისხი 1989 წელს მოიპოვა. 1990–98 წლებში ჰარისი ძირითადად მუშაობდა ოუკლენდში პროკურორის მოადგილედ, მას მნიშვნელოვანი რეპუტაცია და აღიარება მოუტანა ისეთ საქმეებზე მუშაობამ, როგორიც იყო ჯგუფური ძალადობის, ნარკოტრეფიკინგისა და სექსუალური ძალადობის საქმეები. ამ ყველაფრის შემდეგ ჰარისი უკვე 2004 წელს ოუკლენდის პროკურორი ხდება. 2010 წელს კი კალიფორნიის გენერალური პროკურორი. მან ხმების დაახლოებით 1%-იანი სხვაობით შეძლო აღნიშნული პოზიციის დაკავება, შედეგად ის გახდა პირველი ქალი და ასევე პირველი ფერადკანიანი ამერიკელი, რომელიც აღნიშნულ პოსტზე დაინიშნა. ამის შემდეგ უკვე კამალა „პოლიტიკური დამოუკიდებლობის“ დემონსტრირებას ხშირად ახდენდა. მის, როგორც პროკურორის სახელს, არაერთი მნიშვნელოვანი საქმე უკავშირდება. ასე მაგალითად, 2013 წელს, მან უარი განაცხადა სამართლის ნორმა ე.წ Proposition 8-ის დაცვაზე, რომელიც ერთი სქესის წარმომადგენელთა აკრძალვას ეხებოდა შტატში.
2015 წელს ჰარისმა დაიწყო კამპანია აშშ-ს სენატში ადგილისთვის, ცდილობდა შეეცვალა დიდი ხნის კალიფორნიის სენატორი ბარბარა ბოქსერი.
ყოფილმა პრეზიდენტმა ბარაკ ობამამ და მაშინდელმა ვიცე-პრეზიდენტმა ბაიდენმა მხარი დაუჭირეს მის კამპანიას და ის მოგვიანებით თავის მემუარებში წერს, რომ 2016 წლის არჩევნების ღამე იყო “სურეალისტური” მრავალი მიზეზის გამო – არა მხოლოდ იმიტომ, რომ მან გაიმარჯვა.
“მე გავხდი აშშ-ს სენატორი – პირველი შავკანიანი ქალი ჩემი შტატიდან და მეორე ქვეყნის ისტორიაში, რომელმაც ეს თანამდებობა დაიმსახურა”, – წერს ის.
აშშ-ს სენატში ყოფნის დროს ჰარისი მსახურობდა სენატის სასამართლო კომიტეტში, ასევე დაზვერვის შერჩეულ კომიტეტში, სანამ 2019 წელს აშშ-ს სენატორობაზე კანდიდატურას წარადგენდა.
იმავე წელს, ხალხმრავალი საპრეზიდენტო პირველადი დებატების დროს, ჰარისმა გააკრიტიკა მაშინდელი ვიცე-პრეზიდენტი ბაიდენის ჩანაწერი, მათ შორის, მისი წინა პოზიციები დესეგრეგაციისა და სკოლის ავტობუსების შესახებ.
ბაიდენის გადაწყვეტილება, რომ თავის კანდიდატად კამალა ჰარისი აერჩია, ზოგისთვის მოულოდნელი იყო, მაგრამ ის ამას უწოდებს „საუკეთესო გადაწყვეტილებას, რაც მე მივიღე“.
2021 წლის 20 იანვარს ჰარისმა ფიცი დადო, როგორც ქვეყნის პირველმა ქალმა, შავკანიანმა და პირველმა სამხრეთ აზიელმა ვიცე პრეზიდენტმა.
ხშირად ისმის კითხვა, ვინ არის ჰარისი? კარიერისტი თუ აქტივისტი? პრაგმატიკოსი თუ პროგრესულად მოაზროვნე? ამაზე წლებია უკვე ურთიერთსაპირისპირო მოსაზრებები არსებობს. ამერიკული ვებგვერდი GovTrack-ი კამალა ჰარისს 100 ყველაზე ლიბერალ სენატორს შორის ასახელებს. TheNew York Times-ი მას მოიხსენიებს როგორც პრაგმატიკოსს, ხოლო Fox News-ი მას რადიკალს უწოდებს.
თუმცა, ფაქტი ერთია, კამალამ არაერთხელ მიიპყრო ყურადღება რასობრივი დისკრიმინაციის წინააღმდეგ გამოსვლებში. ამ მხრივ ის კორონავირუსის პანდემიის დროსაც აქტიური იყო. კერძოდ, ჰარისი აცხადებდა, რომ ფერადკანიანები ვირუსით არაპროპორციულად იღუპებიან და წარადგინა ინიციატივა სამედიცინო მუშაკებისთვის ანტირასობრივი დამოკიდებულებების ჩამოყალიბებისთვის ტრენინგების ჩატარებასთან დაკავშირებით.
კამალა ჰარისი, რომელიც თავადაც იმიგრანტია, პირობას დებს, რომ აშშ-ში ცხოვრების დოკუმენტის გარეშე მყოფ მილიონობით იმიგრანტს შესთავაზებს მოქალაქეობის მიღების გზას.
და ბოლოს, კამპანიის დროს ჰარისი გამოვიდა ინიციატივით, რომ დიდ კომპანიებს მოეთხოვოს თანაბარი ანაზღაურების უზრუნველყოფა, რათა სხვაობა ქალებისა და მამაკაცების ანაზღაურებას შორის შემცირდეს.
მასალის გამოყენების პირობები
