როგორ ეხმარება ჩეხეთის განვითარების სააგენტო სურსათის ეროვნულს სააგენტოს საქართველოში
🇪🇺ევროკავშირის მხარდაჭერით, 🇨🇿 ჩეხეთის განვითარების სააგენტო აგრძელებს 🇬🇪 სურსათის ეროვნული სააგენტოს მხარდაჭერას ხარისხის მართვის სისტემის (QMS) დანერგვის მიმართულებით.
ამ მიზნით, 2024 წლის აპრილსა და მაისში, სურსათის ეროვნული სააგენტოს ხარისხის მართვის სამმართველოს თანამშრომლებმა გაიარეს 👨🏫 ტრენინგი “ISO 9001:2015 – მოთხოვნები და ეფექტური ოპერირების ინსტრუმენტები”. ღონისძიება ხუთი დღის განმავლობაში მიმდინარეობდა და ითვალისწინებდა, როგორც სესიებს ხარისხის მართვის სისტემის დანერგვასთან დაკავშირებით, ისე გუნდურ მუშაობასა და კონკრეტული ქეისების განხილვას.
⭕ ტრენინგის მონაწილეებს საშუალება ჰქონდათ გაცნობოდნენ რისკზე დამყარებული გადაწყვეტილებებისა და რისკის შეფასების ინსტრუმენტების („5 რატომ“ მეთოდი; „თევზის ფხის (იშიკავა)“ მოდელებს. ამასთან, სიღრმისეულად შეესწავლათ ISO 9001:2015-სთან დაკავშირებული მოთხოვნები და ეფექტური ოპერირების ინსტრუმენტები.
სესიებს უძღვებოდნენ მართვის აკადემიის ტრენერები, რომლებსაც ხარისხის მართვის სისტემის დანერგვის მიმართულებით მრავალწლიანი გამოცდილება აქვთ. ტრენინგში მონაწილეობა მიიღო სურსათის ეროვნული სააგენტოს 15-მა, ხოლო შემოსავლების სამსახურის ორმა თანამშრომელმა. თითოეულ მათგანს გადაეცა სერტიფიკატი.
აღნიშნული აქტივობა ჩეხეთის განვითარების სააგენტოს მხრიდან სურსათის ეროვნული სააგენტოსთვის ხარისხის მართვის სისტემის დანერგვის მიზნით გაწეული ფართომასშტაბიანი მხარდაჭერის ნაწილია. 2024 წლის გაზაფხულზე, 🇨🇿 ჩეხეთის განვითარების სააგენტოს მხარდაჭერითა და საკონსულტაციო კომპანია SDCGroup-ის ორგანიზებით, 🇬🇪 სურსათის ეროვნული სააგენტოს ვეტერინარიის დეპარტამენტის მენეჯერებს საერთაშორისო სტანდარტის ISO 9001:2015-ის მოთხოვნებისა და დანერგვის პროცესის შესახებ გაცნობითი ხასიათის ტრენინგი ჩაუტარდათ.
გაცნობითი ტრენინგის შემდგომ, SDC Group-მა დაგეგმა ინდივიდუალური შეხვედრები, რომლის ფარგლებშიც მიმდინარეობს ვეტერინარიის სამმართველოების საქმიანობაში არსებული პროცესების იდენტიფიცირება, კლისიფიცირება და ანალიზი.
აღსანიშნავია, რომ ევროკავშირისა და შვედეთის მხარდაჭერით მიმდინარე პროექტის „საქართველოში სურსათის უვნებლობისა და SPS სექტორის მხარდაჭერა (ENPARD IV)“-ის ფარგლებში, 2023 წელს, სურსათის ეროვნულმა სააგენტომ წარმატებით გაიარა საერთაშორისო აუდიტის ყველა ეტაპი „სურსათის უვნებლობის სახელმწიფო კონტროლის“ მიმართულებით, რის საფუძველზეც ხარისხის მენეჯმენტის სისტემის საერთაშორისო სტანდარტთან ISO 9001:2015 შესაბამისობის 🏅 სერტიფიკატი მიენიჭა.
მასალის გამოყენების პირობები
