ავტორი: თათია გოჩაძე
„შენი ემიგრანტი“ გთავაზობთ ექსკლუზიურ ინტერვიუს ადამიანთან, რომელიც პარიზში ზღაპრული მოგზაურობის სრულ პაკეტს გთავაზობთ და ყველაფერს აკეთებს იმისთვის, რომ სიყვარულის ქალაქში მოგზაურობა დაუვიწყარ მოგონებად გექცეთ. ყველასთვის კარგად ნაცნობი Giorgi Parris გიორგი ციქუბაძეა, რომელიც 2 წელზე მეტია, საფრანგეთში ტურისტულ კომპანიას ფლობს და ახლა უკვე აღნიშნულ საქმიანობას მთელი ევროპისა და აზიის მასშტაბით იწყებს – ამ და სხვა საინტერესო საკითხებზე გიორგი თავად გვიამბობს:
– გიორგი, გვიამბეთ, როგორ დაიწყო თქვენი ემიგრანტული ცხოვრება საფრანგეთში?
– სანამ ამ საქმიანობას დავიწყებდი, ვმსახურობდი თავდაცვის შეიარაღებულ ძალებში 12 წლის განმავლობაში. ამჟამად გახლავართ თადარგის კაპიტანი. ჩემი და ჩამოვიყვანე პირველად საფრანგეთში სამკურნალოდ 2020 წელს და მას შემდეგ გადავწყვიტე, წამოვსულიყავი მეც და შემემსუბუქებინა დისთვის არსებული მდგობარეობა, აქ მკურნალობს… შემდეგ ადგილობრივი ბაზარი, ასე ვთქვათ – შევისწავლე, თუ რის კეთება შეიძლებოდა და რადგანაც ჩემი საყვარელი საქმე იყო ტურიზმი და კომუნიკაცია, პირველ რიგში, დავინტერესდი ტურიზმით. გადავწყვიტე, ქართველი მოგზაურებისათვის შემეთავაზებინა არა ნაწილობრივი ტური, არამედ სრული პაკეტი – ვთავაზობ ნებისმიერ საკითხში დახმარებას აქ ჩამოსულ ადამიანებს. ეს იქნება საავადმყოფოებში მიყვანა, ბინის მოძებნა თუ სხვა საკითხები… ამავდროულად, ტურისტებისთვის, მოგზაურებისთვის, დავიწყე დაგეგმვის პროცესი – სრული სატრანსპორტო მომსახურება ადგილზე, წინასწარ მოგზაურობის ბილეთების შეძენა, აეროპორტებში დახვედრა. მოკლედ, მომხმარებელს საფიქრალი რჩება მხოლოდ, რა მიირთვას და რა იყიდოს (იცინის)…
– რამდენი ხანია, ამ საქმიანობას ეწევით? როგორც ვიცი, ახლა ამ საქმიანობის მასშტაბის გაფართოებას გეგმავთ – გვიამბეთ დეტალები!
-2 წელია… დიახ, გადავწყვიტე, რადგანაც ბევრი კმაყოფილი მომხმარებელი გვყავს, ანალოგიური სერვისი დავნერგო როგორც სრულიად ევროპის, ისე აზიის მასშტაბით. ევროპის არაერთ ქვეყანაში და აზიაშიც უკვე მოლაპარაკება დასრულებული მაქვს, რათა სრული კომფორტით, სრული სერვისით, ქართველს ჰქონდეს შესაძლებლობა ძალიან მარტივად, თუნდაც ონლაინ, სურვილისამებრ ოფისში მისვლითაც, გააკეთოს შეკვეთა – უბრალოდ, თქვას თარიღები, მგზავრთა რაოდენობა და ჰქონდეს სრული კომფორტი და რაც მთავარია, დაცულობის შეგრძნება – ჩვენი წარმომადგენლები მხოლოდ მათ გადაადგილებას არ უზრუნველყოფენ, არამედ ისინი მათ გვერდით არიან მთელი მოგზაურობის პერიოდში და ზრუნავენ მათ უსაფრთხოებაზე.
– ძალიან სასიამოვნო სიახლეა… დიახ, ასეთ სფეროში დიდი მნიშვნელობა აქვს ნდობას და სოციალურ ქსელში თქვენზე მხოლოდ დადებითი შეფასება მომისმენია, ასე რომ, წარმატებებს გისურვებთ! გიორგი, საინტერესოა, როდესაც თავისუფალი დრო გაქვთ, თქვენი პარიზული ცხოვრება როგორია?
– უღრმესი მადლობა, პირველ რიგში, ასეთი შეფასებისათვის. ვიტყოდი, რომ კარგი იქნებოდა, თავისუფალი დრო მქონდეს, მაგრამ ცოტა არის… ძირითადად, თავისუფალ დროს ვატარებ ოჯახთან ერთად და ამავდროულად უფრო ისეთ ადგილებში, მაგალითად, როგორიც არის ბიბლიოთეკა, რესტორანი, ბარი, კლუბი და იმ დროსაც კი, როდესაც ვისვენებ, შევისწავლი გარემოს – თუ სად შეიძლება იგრძნოს მოგზაურმა, როგორც მშვიდად თავი, ისე აქტიურად, გართობის კუთხით.
– ესე იგი, დასვენების დროსაც საქმეზე ფიქრობთ… როგორც ჩანს, ძალიან შრომისმოყვარე ბრძანდებით, ვადევნებ ხოლმე თქვენს სტატუსებს თვალს, სადაც ეს ჩანს… რას იტყვით, ევროპაშიც დიდი შრომაა წარმატებისთვის საჭირო, არა?
– ნამდვილად დიდი შრომა სჭირდება ნებისმიერ წარმატებას, მაგრამ სწორედ ის არის ხიბლი წარმატებისა, რომ შრომის შედეგად მიდიხარ მიზნამდე. ნებისმიერი ბარიერი თუ შეგვხვდება, ამის გადალახვა უნდა გვაძლიერებდეს. ჩემი ერთ-ერთი დევიზია: „მიუღწეველი მიზნები არ არსებობს, არსებობენ ადამიანები, ვინც ნებდებიან“. ნებისმიერი მიზნის მიღწევა და ოცნების ასრულება შეიძლება. მთავარია, გჯეროდეს საკუთარი თავის.
– გეთანხმებით… რას ეტყვით ადამიანებს, ვისაც პარიზში ჯერ არ უმოგზაურიათ – რა უნდა ნახონ აუცილებლად სიყვარულის ქალაქში? მოდით, ეიფელის კოშკი და ტრიუმფალური თაღი, ლუვრი არ მითხრათ – ეს ყველა ჩვენგანისთვის გასაგებია. არის რაიმე ისეთი, თუნდაც პატარა ნიუანსი, რაც ყველა ადამიანმა უნდა ნახოს, რათა ნამდვილი პარიზი შეიგრძნოს?
-კი ბატონო. პირველ რიგში, თავიდანვე აღვნიშნავ იმას, რომ პარიზში ერთხელ მოგზაურობა არ კმარა და ადამიანი, რომელიც ერთხელ ჩამოდის, პარიზზე დამოკიდებული ხდება. ამის უამრავი შემთხვევა გვაქვს, როდესაც არაერთხელ უკან ბრუნდებიან და ჩამოდიან… რაც შეეხება იმას, რა უნდა ვნახოთ პარიზში ერთხელ მაინც აუცილებლად?- შეიძლება ამას არ უნდა ვამბობდე, რადგან სატრანსპორტო მომსახურება მაქვს და შესაბამისად, ეს ერთგვარი შემოსავლის წყაროა ჩემთვის, მაგრამ ადამიანმა ერთხელ მაინც ფეხით უნდა გაისეირნოს სენას სანაპიროზე, ჩამოჯდეს და დატკბეს იმ პარიზული ხედებით, რაც მას გამოარჩევს. ასე ნამდვილად შეიგძნობა მთელი ქალაქი, როგორც იტყვიან „პარიზული სიყვარული“. ასევე, როგორც ნათქვამია და ვეთანხმები: „ვერსალი ვისაც არ უნახავს, ის პარიზში არ ყოფილა“.
– მადლობა, რომ ეს „საიდუმლო გაგვიმხილეთ“, სენას სანაპიროზე აუცილებლად გავისეირნებ, როცა პარიზში ჩამოვალ…
ახლა დეტალები მივაწოდოთ მკითხველს, მოგზაურობის მსურველებს – სად და რა გზით შეუძლიათ, დაგიკავშირდნენ?
– ოფისი გვაქვს, თბილისში აღმაშენებლის #189-ში. ტურისტული სააგენტოა, რომელიც სრულ მომსახურეობას უწევს მსურველს – ავიაბილეთებიდან, სამოგზაურო დაზღვევიდან დაწყებული, ადგილზე სატრანსპორტო მომსახურებით აბსოლუტურად ვეხმარებით ყველაფერის დაგეგმვაში. ხოლო ონლაინ რაც შეეხება, დაგვიკავშირდნენ Instagram, facebook, tik-tok გვერდებზე. Giorgi Parris უშუალოდ არის პარიზის მიმართულების გვერდი, ხოლო George’s voyage არის მსოფლიო მიმართულებით… არ არსებობს ადგილი, სადაც ჩვენ არ შეგვიძლია მოგზაურობის დაგეგმვა და ასევე აღვნიშნავ, რომ ძალიან მალე ვებსაიტი იქნება გაშვებული, რომელზე შესვლისას ძალიან მარტივად შეხვალთ, აირჩევთ ტურს, სერვისს, ქალაქს და პირდაპირ შეგეძლებათ ჯავშნის გაკეთება. ყველაზე მთავარი ის არის, რომ ყველა ადგილი იქნება დასურათებული, თავისი ისტორიებით.
– საინტერესოა… გიორგი, როგორ შეაფასებდით ქართველებს, როგორც მოგზაურებს?
-ქართველი მოგზაური, ვიტყოდი, რომ ერთ-ერთი გამორჩეული მოგზაურია იმით, რომ ყველაფერი აინტერესებს და აქტიურად არის ჩართული ამ კუთხით. სხვა ქვეყნების წარმომადგენლებთანაც მქონია შეხება და ასეთი ინტერესით არ გამოირჩევიან, როგორც ქართველი ინტერესდება… ქართველი მოგზაურისთვის ძალიან მნიშვნელოვანია კომფორტი, ძალიან დიდ ყურადღებას ვაქცევთ კომფორტს, რითიც ძალიან მოხარული ვარ. ჩემი საქმიანობიდან რასაც ყველაზე მეტად ვაფასებ, რაც შევიძინე – ეს არის ურთიერთობები და მეგობრები. ყველაზე მნიშვნელოვანი შენაძენი ეს არის მთელი ამ პერიოდის განმავლობაში.
– დიახ, გეთანხმებით… ადამიანურ ურთიერთობებზე ძვირფასი მეც არაფერი მიმაჩნია… მადლობა საინტერესო ინტერვიუსთვის, ხომ არაფერს ეტყოდით მკითხველს?
– საჯაროდ მინდა, მადლობა გადავუხადო თითოეულ იმ მოგზაურს და იმ ადამიანს, ვინც გვერდით მიდგას ამ საქმეში, რადგან თითეული მათგანის დამსახურებაა, რომ აქამდე მოვედი და რასაც წარმოვადგენ… ვერ შევძლებდი ამდენი ადამიანის გვერდში დგომას და დახმარებას, რასაც ვახერხებ, როგორც ადამიანური, ისე ფინანსური რესურსით…
– დიახ, როგორც ვიცი, საქველმოქმედო საქმიანობასაც ეწევით.
– დიახ, ვცდილობ, რომ გავახარო ბავშვები… ამავდროულად, ვეხმარებით მოხუცებს – ძირითადად და ასევე, დაავადებულებს, რომლებსაც შესაძლებლობა არა აქვთ წამლის შეძენის, მკურნალობისა საქართველოში… ყველაფრის საჯაროდ გამოტანა არ მიმაჩნია სწორად. ამას არ ვაკეთებთ პიარისთვის, უბრალოდ, სიკეთეს ვაკეთებ…
#drpkhakadze #გიორგიფხაკაძე #gochadze #აქხარისხია
გაიგეთ მეტი ჩვენს ტელეგრამ არხზე: https://t.me/SheniEkimi
