გეგმავთ დუბაიში მოგზაურობას და არ იცით საიდან დაიწყოთ?
ხშირად გვაქვს კითხვები: როდის არის საუკეთესო დრო ვიზიტისთვის? რამდენი დღეა დუბაიში სამოგზაუროდ იდეალური? რომელი ადგილები მოვინახულოთ? რა გავითვალისწინოთ?
დუბაი კონტრასტების ქალაქია, ადგილი, სადაც თანამედროვე ექსტრავაგანტულობა და ტრადიციული ღირებულებები მუდმივად ერთადაა. მისი თვალუწვდენელი ცათამბჯენები, ხელუხლებელი პლაჟები, გრანდიოზული შოპინგ-მოლები და ადგილობრივი ბაზრობები მთლიანობაში სრულიად სხვა სამყაროში მოგზაურობას ჰგავს.
წელიწადის რომელი დროა დუბაიში სამოგზაუროდ იდეალური?
მოერიდეთ მოგზაურობას ზაფხულში. დუბაი ცნობილია თავისი მცხუნვარე ტემპერატურით, განსაკუთრებით ზაფხულის თვეებში – ივნისის, ივლისისა და აგვისტოს საშუალო დღის ტემპერატურა 40°C-ზე მეტია აპრილში ან ნოემბერშიც კი, დუბაის ტემპერატურა ჩვეულებრივ მაინც აღემატება 30°C.
ამიტომ, დუბაის მოსანახულებლად საუკეთესო დროა ზამთრის თვეები – დეკემბრიდან თებერვლამდე. წლის ამ დროს დღის ტემპერატურა ჩვეულებრივ არის დაახლოებით 25°C. ამ პერიოდში პლაჟები საკმარისად თბილია და ტემპერატურად იდეალური, ღირსშესანიშნაობების დასათვალიერებლად თუ სხვადასხვა გარე აქტივობის დასაგეგმად.
რა დრო გჭირდებათ იმისთვის, რომ ყველაფერი ნახოთ დუბაიში?
ნუ ეცდებით ყველაფრის ნახვას – დუბაიში იმდენი რამ არის სანახავი და იმდენ აქტივობაში ჩართვა შეგიძლიათ, რომ ამისთვის რამდენიმე თვე დაგჭირდებათ. ამიტომ, თუკი თქვენ სტანდარტულად 1 კვირა გაქვთ მოგზაურობისთვის, უმჯობესია, დრო გონივრულად გადაანაწილოთ, დუბაის საუკეთესო ნაწილისთვის.
მოდი, გაგიზიარებთ რამდენიმე საუკეთესო ადგილს, რომელიც აუცილებლად უნდა ნახოთ.
▪️ბურჯ ხალიფა
▪️საფარის უდაბნო
▪️მომავლის მუზეუმი
▪️ალ მამზარის სანაპირო პარკი
▪️ აკვაპარკი „Wild Wadi
▪️ძვირადღირებული იახტის ტური
▪️ერთდღიანი მოგზაურობა აბუ დაბიში
▪️შეიხ საიდის სახლ-მუზეუმი
▪️ზოოლოგიური მუზეუმი „The Green Planet“
▪️აკვარიუმი დუბაი მოლში
▪️მუსიკალური შადრევანი
▪️ხელოვნური კუნძული „პალმა“
