ამ სტატიაში გაგაცნობთ, გჭირდებათ თუ არა ვიზა საბერძნეთში მოკლევადიანი ვიზიტის დროს
არა. 2017 წლის 28 მარტიდან საქართველოს მოქალაქეებისთვის, რომლებიც ფლობენ ბიომეტრულ
პასპორტს, უვიზოდ მოგზაურობა შესაძლებელია შენგენის ზონის მთელ ტერიტორიაზე, რომელიც
მოიცავს ევროკავშირის 22 წევრ ქვეყანას და ევროკავშირის 4 არაწევრ ქვეყანას. უვიზო მიმოსვლა
ასევე შესაძლებელია შენგენის 4 კანდიდატ ქვეყანაში. ზემოთ ხსენებულ კატეგორიებში შემავალიქვეყნებია:
ევროკავშირის წევრი შენგენის ზონის ქვეყნები: ავსტრია, ბელგია, გერმანია, დანია, ესპანეთი,
ესტონეთი, იტალია, ლატვია, ლიეტუვა, ლუქსემბურგი, მალტა, ნიდერლანდები, პოლონეთი,
პორტუგალია, საბერძნეთი, საფრანგეთი, სლოვენია, სლოვაკეთი, უნგრეთი, ფინეთი, შვედეთი,
ჩეხეთი.
ევროკავშირის არაწევრი შენგენის ზონის ქვეყნები: ისლანდია, ლიხტენშტეინი, ნორვეგია და
შვეიცარია;
ევროკავშირის წევრი შენგენის კანდიდატი ქვეყნები: ბულგარეთი, კვიპროსი, რუმინეთი,
ხორვატია;
აღსანიშნავია, რომ 2023 წლის ბოლოდან ევროკავშირის ქვეყნებში და, მაშასადამე, საბერძნეთის
რესპუბლიკაშიც მოგზაურობის წესი იცვლება. საზღვრის გადაკვეთამდე მოქალაქემ უნდა
შეავსოს სპეციალური განაცხადის ფორმა და მიიღოს ნებართვა მოგზაურობაზე. ხსენებული
ფორმის შევსება შესაძლებელია ელექტრონული ფორმით. ნებართვაზე განაცხადის გაკეთება
ფასიანი იქნება. მისი ღირებულება შეადგენს 7 ევროს. ამ ახალი სისტემის ამოქმედების მიზანი
ევროპაში უსაფრთხო მოგზაურობის უზრუნველყოფაა.
მოგზაურობის ავტორიზაციის ეს სისტემა
შეაგროვებს, თვალყურს მიადევნებს და განაახლებს ვიზიტორებთან დაკავშირებულ საჭირო
ინფორმაციას. ხაზგასასმელია, რომ ელექტრონული ნებართვა მგზავრობისთვის არ წარმოადგენს
ვიზის ნაირსახეობას; იგი არ უნდა გაუტოლდეს ვიზას. საქართველოს მოქალაქეებს ამ ახალი
სისტემის ამოქმედების შემდეგ კვლავაც ექნებათ შენგენის, ევროკავშირის ტერიტორიაზე
მოკლევადიანი ვიზიტებით უვიზოდ მიმოსვლის შესაძლებლობა. დეტალური ინფორმაცია ამ
ახალი მოთხოვნის და შესაბამისი განაცხადის შესახებ წარმოდგენილია შემდეგ ბმულზე:
გზამკვლევის ავტორი იურისტი, ადვოკატი რევაზ კიკნაძე
წყარო: ქართულ-ბერძნული, კულტურულ-საგანმანათლებლო ცენტრი “პეგასი-მერანი”.
#პეგასიმერანი #gochadze #sheniemigranti #drpkhakadze
