სამშობლოს დატოვება და სხვა ქვეყანაში გადაცხოვრება უმეტესად რთულ გადაწყვეტილებასთან არის დაკავშირებული და ძალიან სტრესულია. მიგრანტი ადამიანები წლობით ტოვებენ ქვეყანას, ოჯახს, საყვარელ ადამიანებს და უწევთ სხვის მიწა-წყალზე ცხოვრება, რაც იწვევს სირთულეებს, თუმცა ჩვენ გეტყვით ამ სირთულეებისგან თავის დაღწევის გზებს.
პირველ რიგში, კვლევებმა აჩვენა, რომ ემიგრანტები 3-ჯერ უფრო მძაფრად განიცდიან ფსიქოლოგიურ პრობლემებს ვიდრე ის ადამიანები, რომლებიც თავიანთ ქვეყანაში ცხოვრობენ. სხვა ქვეყანაში გადაცხოვრება ზრდის შფოთვის ან დეპრესიის განვითარების რისკს და ხაზს უსვამს ფსიქიკური ჯანმრთელობის სერვისების საჭიროებას ემიგრანტთა საზოგადოებებში. დეპრესიის ნიშნებია უიმედობა, ენერგიის დაკარგვა, უბედურების შეგრძნება, განწყობის ცვალებადობა და სხვ.
თუმცა ყველა პრობლემისგან არის გამოსავალი. პირველ რიგში, უნდა შეცვალოთ ცხოვრების სტილი და მეტად აქტიური გახდეთ. დაიწყეთ ვარჯიში, რათა ხასიათი გამოგისწორდეთ და ძილის რეჟიმიც დაგისტაბილურდეთ, ასევე მეტად ჯანმრთელი იყოთ. ასევე, უმნიშვნელოვანესი გზა დეპრესიისგან თავის დაღწევისას არის საუბარი, თქვენს პრობლემებზე ღიად მოყოლა საუკეთესო მეგობრებთან და ახლობლებთან. რაც მეტს ისაუბრებთ ამ სირთულეზე მით მოგეშვებათ და შეგიმსუბუქდებათ ტკივილი. ასევე, შეგიძლიათ მიმართოთ ექიმს, რათა ორგანიზებულად მოახერხოს თქვენი მალე დახმარება.
ასევე მიგრანტებისთვის თავიდან ჭირს სოციალური ცხოვრების დაწყება. შესაძლოა თქვენთვის ახალ ქვეყანაში ადამიანების გაცნობა რთული იყოს. მიუხედავად იმისა, მარტო გადაცხოვრდებით თუ ოჯახთან ერთად, მნიშვნელოვანია გყავდეთ მეგობრები, რომლებთანაც დროს გაატარებთ, რათა თავი იგრძნოთ უფრო მნიშვნელოვნად. ეს რთულია უმეტესობისთვის, მაგრამ ამ სირთულის დასაძლევად პირველ რიგში, უნდა ისწავლოთ ენა, რათა მოახერხოთ ადგილობრივებთან კომუნიკაციის დამყარება და მათთან დამეგობრება. ასევე, შესაძლოა შეხვდეთ სხვა ემიგრანტებს. შეუერთდით ემიგრანტების ბევრ ონლაინ ფორუმს და ნახეთ, ის ჯგუფები, რომლებიც თქვენს ქალაქშია. ეს შესანიშნავი გზაა სხვა ადამიანებთან შესახვედრად, რომლებიც შეიძლება განიცდიან იგივე გამოწვევებს, რასაც თქვენ.
ემიგრანტების ყველაზე დიდი შიშის გრძნობა უკავშირდება კარიერასა და სამსახურს. თქვენ ყველაზე მეტს ამ საკითხზე ნერვიულობთ, რათა გსურთ ფეხზე მყარად დადგეთ და ოჯახსაც დაეხმაროთ ფინანსურ საკითხებში. როგორ დავძლიოთ ემიგრანტების კარიერული შფოთვები? აუციელებლად უნდა გაეცნოთ წინასწარი იქაურ ცხოვრებას, ხალხის რიტმს, აუწყოთ ფეხი მათ, ისწავლოთ ენა, მოიძიოთ სხვადასხვა ვაკანსიები და გადადგათ ნაბიჯი და დაიწყოთ პირველი სამსახური, რომელი მოგცემთ უზღვავ შესაძლებლობას და ენის სწავლისა და დახვეწის საშუალებას.
