1-ელ მაისს წინანდლის მამულის ამფითეატრში კონცერტს გამართავს ბერლინის ფილამრონიული ორკესტრი ლეგენდარული მაესტრო დანიელ ბარენბოიმის დირიჟორობით. კონცერტში მონაწილეობას მიიღებს ცნობილი მევიოლინე ლიზა ბათიაშვილი.
ბერლინის ფილარმონიული ორკესტრი 1882 წლის პირველ მაისს დაარსდა. ამ დღის აღსანიშნავად ყოველ წელს ორკესტრი ევროპის სხვადასხვა ქალაქში მართავს ევროპაკონცერტს, რომელიც მსოფლიოს მუსიკალური სამყაროსთვის გამორჩეულ კულტურულ მოვლენას წარმოადგენს. 2024 წლის ევროპაკონცერტი ეძღვნება ევროპაში მშვიდობიან თანაარსებობას და ევროპაკონცერტის მასპინძლობას წელს სიმბოლური მნიშვნელობა აქვს, რადგანაც საქართველომ გასული წლის ბოლოს ევროკავშირის წევრობის კანდიდატის სტატუსის მიღება იზეიმა.
კონცერტის ბილეთები უკვე გაიყიდა.
