აშშ-ის და რუსეთის პრეზიდენტებს შორის სატელეფონო საუბარი რუსეთის დროით 17:00 საათზე (აშშ-ის დროით 10:00) გაიმართება. ამის შესახებ რუსეთის პრეზიდენტის პრესსპიკერმა, დიმიტრი პესკოვმა განაცხადა.
პესკოვის თქმით, რუსეთის პრეზიდენტს, ვლადიმერ პუტინსა და აშშ-ის პრეზიდენტს, დონალდ ტრამპს შორის შესაძლო შეხვედრა სახელმწიფოების მეთაურებს შორის პირად შეთანხმებებზეა დამოკიდებული.
„ეს დიდწილად იმაზე იქნება დამოკიდებული, თუ რას გადაწყვეტენ ისინი თავად. გადაწყვეტილებას ორი პრეზიდენტი მიიღებს. შეხვედრა, რა თქმა უნდა, უნდა შემუშავდეს, მაგრამ იმის მიხედვით, თუ რა თარიღებს დანიშნავენ ისინი თავად“, – აღნიშნა კრემლის პრესსპიკერმა.
დიმიტრი პესკოვის განცხადებით, რუსეთი დიდად აფასებს აშშ-ის შუამავლობის ძალისხმევას უკრაინაში და მადლიერია ვაშინგტონის მიმართ.
