ქალთა საერთაშორისო დღეს გილოცავთ რომში მცხოვრები, ქართული დიასპორის წარმომადგენელი თამარ დვალი, რომელმაც 28 აგვისტოს იტალიის დედაქალაქში, ქართველ ემიგრანტ ქალთა დიასპორული საღამო გამართა და საფუძველი ჩაუყარა უპრეცედენტო ისტორიას – „დიასპორა მაღალ ქუსლებზე“…
იტალიის სხვადასხვა რეგიონში მცხოვრები ქართველი ემიგრანტი ქალბატონები, მარიამობის აღსანიშნავად რომში შეიკრიბნენ.
„დიდ რომში პატარა საქართველო გავაცოცხლეთ, ემიგრანტული მძიმე ცხოვრება გვერდზე გავწიეთ და როგორც ქართველ ქალბატონებს შეეფერებათ, მაღალ ქუსლებზე, საღამოს კაბებში, ქართული დროშებით და საქართველოს ჰიმნის ფონზე ვიზეიმეთ! მე ამაყი ვარ უცხო მიწაზე სიყვარულის, ერთგულების და ადამიანობის სადარაჯოზე, კიდევ რომ შემოგვრჩა უანგარო ნამდვილი ადამიანები.
სიყვარული გადამდებიაო, ჰოდა ვისწავლოთ ერთმანეთის სიყვარული გატანა და დაფასება, იქნებ ამით მაინც ვცხონდეთ და როგორც ერი არ გადავშენდეთ! გამძლეობას გისურვებთ ჩემო თანამემამულენო“ – მიმართა ქალბატონებს თამარმა…
#drpkhakadze #gochadze #sheniemigranti
