ეს ხელოვნური ინტელექტის შემოქმედებაარ გეგონოთ, თავად ბუნების ქმნილება!
ეს “ტიმფის” დრაკონის ტბაა, რომელსაც ბოლო წლებში ბერძნები უწოდებენ ” სამეფო კარის ბერძნულ თამაშს “. და არც ცდებიან.
საბერძნეთს ბევრი ლამაზი ადგილი აქვს. მაგრამ ეს ადგილი იმდენად შთამბეჭდავია, არც კი დაიჯერებთ, რომ ის რეალურად არსებობს.
საკმარისია იხილოთ წარმოუდგენლად შთამბეჭდავი ალპური პეიზაჟის ფოტოები და მიხვდებით, თუ რაოდენ გულუხვი იყო ბუნება მისი შექმნისას.
თუმცა, პირადად ვიზიტი, რა თქმა უნდა უნიკალური გამოცდილებაა, რომლიც ღირს განცდად.
ტიმფის დრაკონის ტბის ალპური ლანდშაფტი გვხვდება 2050 მეტრის სიმაღლეზე ზღვის დონიდან, “ტიმფის” მთიანი მასივის პლატოზე. სინამდვილეში, ეს არის ერთ-ერთი ყველაზე ცნობილი ალპური ტბა ქვეყანაში და მისვლა მხოლოდ ფეხით არის შესაძლებელი, “ზაგოროღორი”-ის სოფელ “მიკრო პაპიგო”-დან (ჩრდილო – დასავლეთ საბერძნეთი, იპირუს რეგიონი).
ბილიკი, რომელიც აკავშირებს თვალწარმტაცი სოფელ “ეპირუსს” ტიმფის “დრაკოლიმნისთან” (დრაკონის ტბა), არის ერთ-ერთი ცნობილი საფეხმავლო ბილიკი ფართო არეალში, რომელსაც ბევრი ტურისტი და ბუნების მოყვარული გადის, რათა ახლოდან აღფრთოვანდეს ბუნების ამ ნამდვილი სასწაულით. იშვიათი სილამაზის პეიზაჟი, მიმდებარე მთის მწვერვალების სიდიადე, რომელიც დამატებით აღფრთოვანებას გმატებს ისედაც თვალწარმტაცი სანახაობისა.
“დრაკოლიმნის” მისასვლელად მოგიწევთ ფეხით სულ დაახლოებით 4,5 საათი, ამას დამატებული 2,5-3 საათი “ასტრაკას” თავშესაფრამდე (1950 მეტრის სიმაღლეზე ზღვის დონიდან) და იქიდან დამატებითი 1,5 საათი.
ვიზიტის საუკეთესო დროა შემოდგომა და გაზაფხული.
ასე რომ თავგადასავლების მაძიებლებს, საბერძნეთში, ზღაპრული კუნძულების მიღმა, არანაკლებ ზღაპრული ალპები გელოდებათ.
წყარო: ქართულ-ბერძნული, კულტურულ-საგანმანათლებლო ცენტრი “პეგასი-მერანი”.
#drpkhakadze #gochadze #sheniemigranti#პეგასიმერანი
მასალის გამოყენების პირობები
