იმ მშობელთა საყურადღებოდ, რომელთა პატარებიც წელს პირველად შეაბიჯებენ “ცოდნის ტაძარში” ! 📖📚
საბერძნეთის განათლების სამინისტროს დადგენილებით, სკოლებში მოსწავლეთა მისაღებად რეგისტრაცია ხდება მარტის თვეში (თვის ბოლომდე), რაც შემდგომ პერიოდში დიდ სირთულესთან არის დაკავშირებული და დიდი ალბათობით, მოსწავლეები რჩებიან სასწავლო პროცესის მიღმა.
ასე რომ დრო ჯერ კიდევ არის და იჩქარეთ!
აქვე გთავაზობთ აუცილებელი საბუთების ჩამონათვალს, რაც უნდა იქონიოთ ბავშვის სკოლაში რეგისტრირებისთვის.
ა) საბერძნეთის ტერიტორიაზე დაბადებული ბავშვების ცნობათა ჩამონათვალი:
1. ცნობა საცხოვრებელი ადგილიდან.
(აქვე განვმარტავთ, რომ საცხოვრებელი მისამართის მიხედვით მოსწავლე ირიცხება იმ სკოლაში რომელიც მიეკუთვნება მისამართის რაიონს (სკოლას თქვენ ვერ ირჩევთ)
2. დაბადების მოწმობა.
3. ცნობა ოჯახური მდგომარეობის შესახებ.
4. ცნობა სკოლამდელი ასაკის მოსამზადებელი დაწესებულებიდან (რომ გაიარა სკოლისთვის მოსამზადებელი ერთწლიანი პერიოდი).
5. ჯანმრთელობის ცნობა პედიატრისგან (ამ ცნობისთვის შესავსებ ფორმას ხშირ შემთხვევაში თავად სკოლები გასცემენ).
ბ) ბავშვები და მოსწავლეები, რომელნიც ჩამოვიდნენ უახლოეს წარსულში.
1. ცნობა დროებით საცხოვრებელი ადგილიდან.
2. თუ საქართველოში სწავლობდა სკოლაში, სკოლიდან დამამთავრებელი (რომელი კლასიდან დატოვა საქართველო) ატესტატი აპოსტილით დამოწმებული და ნათარგმნი ბერძნულად.
თუ არის სკოლამდელი ასაკის, არ საჭიროებს სკოლისთვის მოსამზადებელი პერიოდის დამადასტურებელ ცნობას.
3. ცნობა ოჯახური მდგომარეობების შესახებ ( ბერძნულ ენაზე და ასეთ შემთხვევაში ამ ცნობას გასცემს საქართველოს საკონსულო საბერძნეთის რესპუბლიკაში)
4. აცრების ფურცლის ამონაბეჭდი.
5. ცნობა ჯანმრთელობის მდგომარეობის შესახებ.
გისურვებთ წარმატებებს!
წყარო: ქართულ-ბერძნული, კულტურულ-საგანმანათლებლო ცენტრი “პეგასი-მერანი”.
#პეგასიმერანი
#drpkhakadze
#gochadze
#sheniemigranti
#drpkhakadze #gochadze #sheniemigranti
მასალის გამოყენების პირობები
