თუ ქვეყნის დატოვება გსურთ და გიწევთ უცხო ქვეყანაში გამგზავრება, შეგიძლიათ გამოიყენოთ სამი სახის სამგზავრო დოკუმენტის/ პასპორტის სახეობა.
პირველია, საქართველოს მოქალაქის პასპორტი, ანუ პირადობისა და მოქალაქეობის დამადასტურებელი დოკუმენტი. აღნიშნული პასპორტი გამოიყენება საქართველოდან გასვლის, საზღვარგარეთ გადაადგილებისა და საქართველოში შემოსვლის მიზნით.
მეორე დოკუმენტია, დიპლომატიური და სამსახურებრივი პასპორტები. ეს არის საქართველოს მოქალაქის სამსახურეობრივი სარგებლობის პასპორტი, საქართველოს მოქალაქის პირადობის, მოქალაქეობისა და სტატუსის დამადასტურებელი დოკუმენტები.
და ბოლოს, ნეიტრალური სამგზავრო დოკუმენტი, რომელიც არის პირადობის დამადასტურებელი დოკუმენტი. იგი ადასტურებს პირის ვინაობას, როგორც საქართველოს ტერიტორიაზე, ასევე მის ფარგლებს გარეთ. ნეიტრალური სამგზავრო დოკუმენტის მიღება შეუძლიათ ოკუპირებულ რეგიონებში მცხოვრებ პირებს, რომელთაც მიღებული არ აქვთ საქართველოს პირადობის მოწმობა ან პასპორტი.
თუ თქვენ გადაწყვეტთ, რომ უცხოეთში წასასვლელად გამოიყენოთ პასპორტი, შეგიძლიათ ამ პასპორტის საშუალებით სამი ტიპის ვიზა აირჩიოთ.
პირველ რიგში, მოკლევადიანი ვიზა. იგი გაიცემა ტურისტული, ნათესავებისა და მეგობრების მონახულების, საქმიანი შეხვედრებისა (სამეცნიერო სემინარები, კონფერენციები და ა.შ) და მოლაპარაკებების გასამართად მიმავალ პირებზე.
შესაძლოა გამოიყენოთ გრძელვადიანი (ეროვნული) ვიზა, რომელიც გაიცემა იმ შემთხვევაში თუ განმცხადებელი გეგმავს დანიშნულების ქვეყანაში ხანგრძლივი პერიოდით დარჩენას (მაგალითად: შენგენის ხელშეკრულების წევრი ქვეყნების
შემთხვევაში გრძელვადიანი ვიზა გაიცემა 91-დან 365 დღემდე) შრომითი საქმიანობის, სწავლის, მკურნალობის, ოჯახის გაერთიანებისა და სხვა მიზნებით.
და ბოლოს არის სატრანზიტო ვიზა, რომელიც გაიცემა მესამე სახელმწიფოში შესვლისთვის, კონკრეტული ქვეყნის სახელმწიფოს ტერიტორიის ტრანზიტით გავლის მიზნით.
