21 მარტს ქართული ჟურნალისტიკის დღე აღინიშნება.
მედიაჰოლდინგი 《შენი》 ყველა ქართველ ჟურნალისტს ულოცავს პროფესიულ დღეს ✨️️
გთავაზობთ ინტერვიუს ჟურნალისტ ირინა დათაშვილთან, რომელიც ამჟამად მედიაჰოლდინგში 《შენი》 მუშაობს:
–ირინა, გვიამბეთ თქვენი ჟურნალისტური საქმიანობის ისტორია…
– 22 წლის ასაკიდან ვმუშაობ მედიასაშუალებებში. ვრცელია ჩემი სამსახურების ჩამონათვალი. მადლობას ვუხდი ყველა რედაქტორს, ვინც დიდი როლი ითამაშა, ჩემი, როგორც ჟურნალისტის, ჩამოყალიბებასა და გაზრდაში.
ამჟამად ვმუშაობ მედიაჰოლდინგში 《შენი》, რისთვისაც დიდ მადლობას ვუხდი საზოგადოებრივი ჯანდაცვის ექსპერტს, ჯანდაცვის მსოფლიო ორგანიზაციის კონსულტანტს, ექიმს, აკრედიტაცია კანადას წარმომადგენელს საქართველოში გიორგი ფხაკაძეს.
– ყველაზე მთავარი თვისება/უნარი, რომელიც ჟურნალისტს უნდა გააჩნდეს…
– მთავარი და აუცილებელია უკომპრომისობა და მიუკერძოებლობა. ჟურნალისტს უნდა ჰქონდეს ყველაზე მთავარი – ამბის სიზუსტით მოწოდების უნარი და თავისუფლება. აუცილებლად დაადასტუროს ფაქტის სინამდვილე. უნდა იყო მობილიზებული და მოტივირებული…
ავტორი: თათია გოჩაძე
