ირაკლი ნინუა სანტო დომინგოში 🌎
📍🇩🇴 რატომ სანტო დომინგო?
● ამერიკის კონტინენტის უძველესი ქალაქი;
● მისაღები ფასები;
● ულამაზესი კოლონიური არქიტექტურა;
● ძალიან მეგობრული ადგილობრივი მაცხოვრებლები;
● ამერიკის კონტინენტის უძველესი ეკლესია;
🏰 რომელი სამი ღირსშესანიშნაობა უნდა მოინახულოთ აქ აუცილებლად?
1️⃣ კოლონიური ზონა (Zona Colonial) – სანტო დომინგოს ყველაზე უსაფრთხო უბანი ულამაზესი კოლონიალური არქიტექტურით, პარკებით, ციხე-სიმაგრეებით და ეკლესიებით.
2️⃣ ბოტანიკური ბაღი – სანტო დომინგოს ბოტანიკური ბაღის სტუმრობა არავის დატოვებს გულგრილს – ულამაზესი გარემოს გარდა, აქ გელით მუზეუმი და მატარებელი, რომელიც ყველაზე საინტერესო ადგილებს სულ რაღაც 1 საათში მოგატარებთ.
3️⃣ Parque Nacional Los Tres Ojos – ულამაზესი ნაციონალური პარკი, რომელშიც ნახავთ 4 მიწისქვეშა ტბას ამ ტბებში ბანაობა ნებადართული არ არის, თუმცა სანახაობა მართლაც ძალიან შთამბეჭდავია.
ულამაზესი სენოტე – ანუ კლდის ტბა რომლის წყალსაც აქვს საოცარი ფირუზისფერი შეფერილობა.
✈️ როგორ მოხვდეთ აქ საქართველოდან ყველაზე ბიუჯეტურ ფასად?
Wizz Air-ით ბრიუსელში და შემდეგ TUI fly-ით პირდაპირ პუნტა კანაში. პუნტა კანის აეროპორტიდან ავტობუსით სანტო დომინგოში. ერთი გზის ღირებულება 250-300 ევროს ფარგლებში.
🏠სად შეიძლება დარჩეთ აქ ბიუჯეტურად?
სანტო დომინგოს ყველაზე ლამაზი და ყველაზე უსაფრთხო ადგილი არის კოლონიური ზონა. აქ თავმოყრილია უამრავი ღისრსშესანიშნაობა. კოლონიურ ზონაში არის ძალიან ბევრი პოლიციელი, რომელთა ერთადერთი მოვალეობა ტურისტების დაცვაა. უამრავი კამერების და პოლიციის დრონების დამსახურებით აქ თავს ძალიან უსაფრთხოდ იგრძნობთ.
სანტო დომინგოში ვცხოვრობდი აპარტჰოტელ Residencial La Fonte-ში. ეს სასტუმრო მდებარეობს სანტო დომინგოს კოლონიურ ზონაში. ყველა ბინას აქვს კარგად აღჭურვილი სამზარეულო. ფასები 29-35 დოლარის ფარგლებში მერყეობს.
🍗 რომელი კერძი უნდა დააგემოვნოთ აქ აუცილებლად?
გასინჯეთ დომენიკანის ნაციონალური კერძი: ჩაშუშული ძროხის ხორცი, ბრინჯი და ლობიო.
🛂 გვჭირდება თუ არა საქართველოს მოქალაქეებს ვიზა აქ მოსახვედრად?
საქართველოს მოქალაქეებს დომენიკის რესპუბლიკაში სამოგზაუროდ ვიზა არ სჭირდებათ. უვიზოდ შესაძლებელია 30 დღე დარჩენა, თუმცა ამ ვადის გადაცილების შემთხვევაში უბრალოდ მოგიწევთ პირდაპირ აეროპორტში 2500 დომენიკური პესოს ოდენობის გადასახადის გადახდა, რაც დაახლოებით 40 ევროს უდრის.
💉საჭიროა თუ არა რაიმე ტიპის ვაქცინა ან სამოგზაურო დაზღვევა?
დომენიკის რესპუბლიკაში სამოგზაუროდ სავალდებულოა რომ ჩატარებული გქონდეთ კოვიდის აცრა. სამოგზაურო საზღვევა არ არის სავალდებულო. სამედიცინო მომსახურება არის საკმაოდ მაღალი დონის და ასევე ხელმისაწვდომი.
ავტორის შესახებ:
უკვე თითქმის 8 წელია, რაც არსად აღარ ვცხოვრობ, უფრო სწორად კი მთელი მსოფლიო ვაქციე ჩემს სახლად🌍🏠
2016 წელს მივიღე გადაწყვეტილება და ავირჩიე ნომადური ცხოვრების სტილი. სხვადასხვა ქვეყანაში ცხოვრების გამოცდილება ადრეც მქონდა – მიცხოვრია მსოფლიოს 5️⃣ ქვეყანაში, თუმცა მას შემდეგ, რაც ციფრული ნომადი გავხდი, თითოეულ ქვეყანაში, როგორც წესი, 2 კვირიდან 4 თვემდე ვატარებ.
რამდენიმე საინტერესო ფაქტი ჩემს შესახებ: მაქვს 4️⃣ უმაღლესი განათლება და ჯეროვნად ვფლობ 🔟 ენას. ვარ ნამყოფი 6️⃣5️⃣ ქვეყანაში და 6️⃣ კონტინენტზე.
მადლობა ყველას, ვინც უკვე დამაფოლოვეთ ფეისბუქზე ❤️ #iraklininua
მასალის გამოყენების პირობები
