გერმანიიდან საქართველოში ვიზიტორთა რიცხვი პანდემიამდე არსებულ მონაცემებს უახლოვდება

გასული წლის განმავლობაში გერმანიიდან საქართველოში 68 824 ვიზიტი განხორციელდა. ეს მაჩვენებელი 2022 წლისას 41.8%-ით აღემატება, თუმცა პანდემიამდე არსებული ვიზიტების რიცხვს 22.7%-ით ჩამორჩება, რაც იმას ნიშნავს, რომ 2019 წელთან შედარებით გერმანიიდან ტურიზმი 77.3%-ით აღდგა.

ოფიციალური სტატისტიკიდან ჩანს, რომ გერმანიიდან ტურიზმი ყველაზე აქტიური მესამე კვარტალში, ანუ ზაფხულის ტურისტულ სეზონზე იყო, სწორედ ამ პერიოდზე მოდის ვიზიტების 42.5%. კვარტალურ ჭრილში გერმანიიდან შესრულებული ვიზიტები ასე ნაწილდება:

I კვარტალი – 7 429 ვიზიტი;

II კვარტალი – 17 591 ვიზიტი;

რეკლამა

III კვარტალი – 29 312 ვიზიტი;

IV კვარტალი – 14 492 ვიზიტი.

სტატისტიკიდან ისიც ჩანს, რომ 2023 წელს გერმანიიდან შესრულებული ვიზიტების რაოდენობა 2018 წლის მაჩვენებელს (64 486 ვიზიტი) მცირედით აღემატება. 2019 წელს კი ისევე როგორც სხვა ქვეყნების შემთხვევაში ევროპის ამ ქვეყნიდან ჯამში რეკორდული 89 051 ვიზიტი შესრულდა.

ზოგადად ევროკავშირის ქვეყნებიდან, 2023 წელს 422 227 ვიზიტი შესრულდა, რაც პანდემიამდელ პერიოდს 12.9%-ით ჩამორჩება, 2022 წლის მაჩვენებელს კი 54.7%-ით აღემატება.

რეკლამა

წყარო

#drpkhakadze #gochadze #sheniemigranti