გერმანიაში მიგრაციის მსურველებს ხშირად სჭირდებათ მხარდაჭერა, რჩევა და ხელმძღვანელობა, რათა ადგილზე მყოფები სწრაფად შეეგუონ და მოერგონ გარემოს. მიგრაციის საკონსულტაციო ცენტრთან ადრეული კონტაქტი განსაკუთრებით მნიშვნელოვანია ოჯახის გაერთიანების პროცედურის განხორციელებისას (კონსულტაცია მნიშვნელოვანია ასევე სხვა საფუძვლებით მიგრაციის შემთხვევაში), როდესაც საჭიროა ბევრი ბიუროკრატიული დეტალის გათვალისწინება.
საემიგრაციო მრჩეველებს შეუძლიათ ადრეულ ეტაპზე მოგაწოდონ ინფორმაცია იმ ნაბიჯებზე, რომელიც საელჩოს გაუადვილებს ვიზის გაცემას. გრძელვადიან, ლეგალურ მიგრაციასთან დაკავშირებით ყველა საკითხის გარკვევა შესაძლებელია პროექტის „წარმატებული და მომზადებული მიგრაცია გერმანიაში“ საემიგრაციო მრჩეველების დახმარებით.
გერმანიაში არაერთი საკონსულტაციო სამსახურია, რომელიც სპეციალურად მიგრაციის თემებზე მუშაობს. საემიგრაციო საკონსულტაციო სამსახური აქვთ შემდეგ ორგანიზაციებს:
დასაქმებულთა კეთილდღეობის ორგანიზაცია – Arbeiterwohlfahrt (AWO)
გერმანული კარიტასის ასოციაცია – Deutscher Caritasverband
გერმანიის ევანგელური ეკლესიის დიაკონური სამსახური -Diakonisches Werk der Evangelischen Kirchen in Deutschland (Diakonie)
გერმანული პარიტეტული კეთილდღეობის ასოციაცია – Deutscher Paritätischer Wohlfahrtsverband
გერმანული წითელი ჯვარი – Deutsches Rotes Kreuz
ებრაელთა ცენტრალური კეთილდღეობის ოფისი გერმანიაში – Zentralwohlfahrtsstelle der Juden in Deutschland
დევნილთა გაერთიანება – Bund der Vertriebenen
ამ ორგანიზაციებში მუშაობენ სოც.მუშაკები და პედაგოგები, რომლებიც დაინტერესებულ პირებს გერმანიის ყოველდღიურობასთან დაკავშირებულ ისეთ კითხვებზე სცემენ პასუხს როგორებიცაა, მაგ. ენის კურსები, ბინის ქირავნობა, სამსახური, ჯანდაცვა, სკოლა და მარტივი სამართლებრივი კითხვები. ეს საკონსულტაციო სამსახურები ასევე მუშაობენ სხვადასხვა ქვეყნების ადგილობრივ საემიგრაციო მრჩეველებთან ერთად.
საემიგრაციო საკონსულტაციო სამსახური ფედერალური მიწის მთავრობის მიერ ფინანსდება, თუმცა, თავის საქმიანობაში მაინც დამოუკიდებელია. კონსულტაციები კი სანდო და უფასოა.
წყარო:
