„ბევრი გაჭირვება გვინახავს.. ყველა საქმეს ვაკეთებთ, რაც შეიძლება ქალმა და კაცმა გააკეთოს“ – „სამზარეულოს ომების“ გამარჯვებული დების პორტრეტი

კულინარიული შოუს „სამზარეულოს ომების“ მე-8 სეზონის გამარჯვებულები  გურული დები ეკა და ლანა გახდნენ.

გადაცემის გუნდი მათ გურიაში ესტუმრა. ეკა და ლანა საკუთარ საქმიანობაზე, ოჯახზე, დედასა და დებზე ჰყვებიან:

„უშრომელი ხალხი „ნაღდად“ არ ვართ, ყველა საქმეს ვაკეთებთ, რაც შეიძლება სოფელში ქალმა და კაცმა გააკეთოს და სხვათა შორის, მუნიციპალიტეტის შენობას ვალაგებთ, კი არ მეთაკილება, პირიქით.

ბევრი გაჭირვებაც გვინახავს, მამა რომ დაგვეღუპა. არ მინდა, თავი შევიქო, გოგოებმა ოჯახი უკან არ წაიყვანეს და მიხარია, რომ დღეს წინ მივდივართ“, – აღნიშნავენ დები.