09/11/2021
საზოგადოებრივი ჯანდაცვის ექსპერტი გიორგი ფხაკაძე სოციალურ ქსელში იმუნიზაციის საბჭოს მიერ დღეს მიღებულ გადაწყვეტილებებს ეხმაურება.
მისი თქმით, სხვა რეკომენდაციებსაც თუ არ გაითვალისწინებენ, დროსა და სიცოცხლეებს დავკარგავთ.
„ბავშვების აცრა 12-16 წლამდე დაუშვა საქართველომ ფაიზერის ვაქცინით (მალე 5-დან 11 წლამდე იქნება, მაგრამ ჯერ ამაზეც უნდა “ითათბირონ”) ისე, ჯერ პენსიონერები აგვეცრა, კარგი იქნებოდა.
სერიიდან – ფხაკაძის რეკომენდაციების აღსრულება.
სჯობს გვიან, ვიდრე არასდროს…
სხვა რეკომენდაციებიც განხორციელდება, რა თქმა უნდა, უბრალოდ, დროს ვკარგავთ და სიცოცხლეებს…
დროულად დამიჯერეთ ხოლმე, ისე ამხელა/ამდენი საბჭოები კი იკრიბება და საბოლოოდ ერთ დასკვნამდე მივდივართ: გიორგი ფხაკაძის ყველა რეკომენდაცია და წინასწარ გათვლები არის სწორი და მართლდება და როგორც არ უნდა ატრიალო, საბოლოოდ ყველა ჩემი რეკომენდაცია სრულდება, ოღონდ დაგვიანებით. იქ, სადაც ბოლომდე არ მიჯერებენ და თავისებურად ამახინჯებენ, ყველგან ცხვირი წავიტეხეთ, სამწუხაროდ.
დაველოდოთ შემდეგ ნაბიჯებს და ეს არის:
ელექტრონული კოვიდ სტატუსის დანერგვა (დეტალებზე ცალკე ვისაუბრებ, ის რაც გამო აცხადებს მინიმუმ 50% შესაცვლელი/გადასაკეთებელია).
გადასვლა ერთ ვაქცინაზე (Pfizer-BioNTech და თუ დაამტკიცეს Moderna) ისე, როგორც ეს გააკეთა თურქეთმა.
სამედიცინო პირბადის სავალდებულო გამოყენება ყველა დახურულ და ღია თავშეყრის ადგილებში.
სოციალური დისტანცია უნდა იქნეს დანერგილი როგორც ნორმა და ყველა დაწესებულება, ტრანსპორტი და სერვისი ამაზე უნდა იყოს გადასული (მინიმუმ 1 მეტრი და საუკეთესოა 2 მეტრიანი დისტანცია)
არ ჩავაკეტვინოთ ქვეყანა. ყველაფერი ჩვენს ხელშია.
აიცერით ფაიზერის ვაქცინით, გამოიყენეთ მხოლოდ სამედიცინო პირბადე, დაიცავით დისტანცია (ხელებს თუ დაიბანთ, კარგი იქნება)“, – წერს გიორგი ფხაკაძე
კოვიდსტასტიკა
02 მაისის მონაცემები
ინფიცირებული 1655221
აქტიური 1117
სტაციონარში მყოფი 287
გამოჯანმრთელებული1637293
გარდაცვლილი 16811
Professor Giorgi Pkhakadze, MD, MPH, PhD
#drpkhakadze #გიორგიფხაკაძე #accreditationge
Профессор Гиорги Пхакадзе. #ПрофессорПхакадзе
https://youtube.com/@drpkhakadze
Prepared by: ირინა დათაშვილი #datashvil
