ორშაბათი, ივნისი 9, 2025
- Advertisement -spot_imgspot_imgspot_img
მთავარიევროპაჰარვარდის უნივერსიტეტთან დაკავშირებული ვიზიტისთვის აშშ-ის ვიზების მიღება მკაცრდება

ჰარვარდის უნივერსიტეტთან დაკავშირებული ვიზიტისთვის აშშ-ის ვიზების მიღება მკაცრდება

აშშ-ის სახელმწიფო დეპარტამენტმა საზღვარგარეთ თავის საკონსულო მისიებს მისცა განკარგულება, გაამკაცრონ ვიზის მიღების მსურველთა შემოწმება, რომელთა ვიზიტი, ნებისმიერი მიზნით, ჰარვარდის უნივერსიტეტს უკავშირდება. ამის შესახებ ინფორმაციას სააგენტო „როიტერი“ სახელმწიფო დეპარტამენტის შიდა მიმოწერაზე დაყრდნობით ავრცელებს.

წერილებში, რომლებიც 30 მაისით თარიღდება და დაეგზავნა აშშ-ის ყველა დიპლომატიურ და საკონსულო მისიას, სახელმწიფო მდივანი მარკო რუბიო ავალებს პერსონალს, დამატებითი შემოწმება ჩაუტარონ ვიზის მიღების მსურველებს, რომლებიც ჰარვარდის უნივერსიტეტში აპირებენ გამგზავრებას ნებისმიერი მიზნით.

აღნიშნული განკარგულება ეხება მომავალ პოტენციურ სტუდენტებს, პედაგოგებს, თანამშრომლებს, კონტრაქტორებს, მიწვეულ სპიკერებსა და ტურისტებს.

წერილში ნათქვამია, რომ ჰარვარდის უნივერსიტეტმა ვერ შეინარჩუნა სასწავლო დაწესებულებაში ძალადობისა და ანტისემიტიზმისგან თავისუფალი გარემო, ამიტომ გამკაცრებული შემოწმება დაეხმარება საკონსულოს ოფიცრებს, გამოავლინონ აპლიკანტები ანტისემიტური დევნისა და ძალადობის წარსულით. განკარგულება ასევე ავალებს საკონსულოს თანამშრომლებს, საეჭვოდ მიიჩნიონ აპლიკანტი, თუ მისი სოციალური ქსელების გვერდი დახურულია.

წყარო

READ  "ქართველებთან სურათის გადაღებაში ორმაგ თანხას ვიღებო..." - რას ყვება თამარ წიკლაური ანტონიო ბანდერასთან მოულოდნელ შეხვედრაზე
მსგავსი პოსტები
[fetch_posts]

LEAVE A REPLY

Please enter your comment!
Please enter your name here

- Advertisement -spot_img

ხშირად ნახვადი