ოთარ იოსელიანის დაბადების დღეს, 2 თებერვალს რომის კინო მოყვარულთა ცენტრში კინორეჟისორის მეგობრები, კოლეგები და თაყვანისმცემლები შეიკრიბნენ ლეგენდარული ხელოვანის 90 წლისთავთან დაკავშირებით პატივის მისაგებად.
ღონისძიება ორგანიზებული იყო კინორეჟისორის იტალიელი მეგობრების, კარლო ჰინტერმანის, ლუჩიანო ბარკაროლისა და დანიელე ვილას მიერ, ვატიკანში საქართველოს საელჩოსთან თანამშრომლობით.
ღონისძიებას არაერთი ცნობილი კინორეჟისორი, კინოკრიტიკოსი, სცენარისტი, პრესტიჟული იტალიური და საერთაშორისო კინოფესტივალების დირექტორი ესწრებოდა. საღამოზე იმყოფებოდნენ, ასევე, ოთარ იოსელიანის ოჯახის წევრებიც.
კონცერტზე ისაუბრეს იოსელიანის შეუდარებელ წვლილზე ქართულ და მსოფლიო კინოში, მისი ფილმების უნივერსალურ, მაგრამ სიღრმისეულად ქართულ სულზე.
ღონისძიების ფარგლებში გაიმართა მცირე მიღება, სადაც სტუმრებმა ქართული ღვინო დააგემოვნეს. საღამოს დასასრულს კი, კინომოყვარულებს მისი ბოლო ფილმის ‘’Chant d’hiver’’ -ის ყურების შესაძლებლობა მიეცათ.
რომში ოთარ იოსელიანის 90 წლისთავთან დაკავშირებით კონცერტი გაიმართა
Sheni Network
სტატიის ციტირება
SheniEmigranti.ge. რომში ოთარ იოსელიანის 90 წლისთავთან დაკავშირებით კონცერტი გაიმართა [Internet]. თბილისი: Sheniemigranti.ge; 2025 [ციტირებულია: 2026 სექ 8]. ხელმისაწვდომია: https://sheniemigranti.ge/%e1%83%a0%e1%83%9d%e1%83%9b%e1%83%a8%e1%83%98-%e1%83%9d%e1%83%97%e1%83%90%e1%83%a0-%e1%83%98%e1%83%9d%e1%83%a1%e1%83%94%e1%83%9a%e1%83%98%e1%83%90%e1%83%9c%e1%83%98%e1%83%a1-90-%e1%83%ac%e1%83%9a/
sheniemigranti.ge
დამოუკიდებელი, აპოლიტიკური და ნეიტრალური მედია — ფაქტებზე დაფუძნებული სანდო ინფორმაცია. შენთვის და შენი საქართველოსთვის.
#აქხარისხია #drpkhakadze #sheniambebi
კომენტარები ჯერ არ არის
კომენტარები ჯერ არ არის
