თურქეთის მოსანახულებლად საუკეთესო დრო დამოკიდებულია იმაზე, თუ რა გაინტერესებთ.
აპრილი, მაისი, სექტემბერი და ოქტომბერი სასიამოვნოდ თბილია, ტემპერატურა 20°C-დან 30°C-მდე მერყეობს, ამიტომ, როგორც წესი, საუკეთესო პერიოდია თურქეთის უძველესი ისტორიული ადგილების მოსანახულებლად.
ზაფხულის თვეები კი ძალიან ცხელია, სამხრეთ სანაპიროზე ტემპერატურა 30°C-ზე მაღლა ადის. ამ დროს ტურისტები დიდ დროს ატარებენ ზღვაზე ან აუზზე, თუმცა ვერ ახერხებენ სხვადასხვა ტურისტული სანახაობების დათვალიერებას მაღალი ტემპერატურის გამო.
ტემპერატურის კლება ოქტომბრის ბოლოდან იწყება. ნოემბრის თვიდან მარტამდე თურქეთი საკმაოდ ცივია, რის გამოც სანაპირო რეგიონებში ბევრი სამსტუმრო იხურება. თუმცა, თუ ტურისტის ძირითადი მიზანი თავგადასავლები, ახალი ადგილების აღმოჩენა და სიახლეებია მაშინ ზამთრის ეს თვეები საუკეთესო დროა ადგილების შესასწავლად, რადგან ისინი ნაკლებად დატვირთულია დამთვალიერებლებით.
