ათენში “პეგასი-მერანი”-ს დამფუძნებელი შორენა მჭედლიძე ქალთა საერთაშორისო დღეს გილოცავთ და საკუათარ ისტორიას გიამბობთ
ათენში ქართულ-ბერძნული, კულტურულ-საგანმანათლებლო ცენტრი “პეგასი-მერანი”-ს დამფუძნებელი შორენა მჭედლიძე ქალთა საერთაშორისო დღეს გვილოცავს და საკუთარ ემიგრანტულ ისტორიას გვიყვება …
” გილოცავთ, ყველა ქალს ვუსურვებ ბედნიერებას და ულევ სიხარულს…
ვარ შორენა მჭედლიძე, პროფესიით სემიტოლოგი, თუმცა ჩემი პროფესიით არასოდეს მიმუშავია. საქართველოში ვიყავი ქართული ენა-ლიტერატურის მასწავლებელი და დღემდე ვაგრძელებ პედაგოგიურ მოღვაწეობას ქართველი ბავშვებისთვის, ახლა უკვე უცხო მიწაზე.
საბერძნეთში შვილებთან ერთად ჩამოვედი 2008 წლის ივლისის თვეში, მამის საფლავის მოსანახულებლად.
ფეხდაფეხ მოგვყვა აგვისტოს ომი და ვიზის გახანგრძლივების გამო დავრჩით ამ ქვეყანაში. სულ რამდენიმე თვეში ძილში გარდაიცვალა დედა და ასე სრულიად მარტოდ აღმოვჩნდით მე და ჩემი პატარები ისედაც გაუცხოებულ სამყაროში.
დროის უკმარისობისა და ჩემი შვილების, სწავლასთან დაკავებული სირთულეების გამო სულ ვეძებდი ისეთ ქართულ სასწავლო დაწესებულებას, სადაც მათ დახმარებას შეძლებდნენ, როგორიცაა სკოლის პროგრამის დაძლევა და მშობლიურის შენარჩუნება იმავდროულად.
სწორედ ამ მდგომარეობამ გადამაწყვეტინა 2020 წელს დამეარსებინა “პეგასი-მერანის” საგანმანათლებლო ცენტრი, სადაც პრიორიტეტი ბავშვების ადაპტაცია და ინტეგრირებაა, თვითშეფასების ამაღლება და ამის შემდეგ ენერგიული ზრუნვა მშობლიური იდენტობის შესანარჩუნებლად.
ბედნიერი და ამაყი ვარ თითოეული პატარის, მოსწავლისა და მოზარდის გამო, მათთან ურთიერთობისა და სიყვარულისთვის.
მადლობელი ვარ, რომ მომეცა საშუალება ხმამაღლა გამეზიარებინა ჩემი ეს მდგომარეობა.
კიდევ ერთხელ ყველა ქალს ვულოცავ წელიწადის ყველა დღეს!
#პეგასიმერანი
#drpkhakadze
#gochadze
#sheniemigranti
