საბერძნეთში 25 მარტი არის როგორც რელიგიური, ასევე ეროვნული დღესასწაული.
ბერძნული საზოგადოება დღეს, ყველგან პატივს სცემს თავის წინაპრებს და აღნიშნავს 1821 წლის რევოლუციის დაწყებას თურქული უღლის წინააღმდეგ. ამავე დროს, იგი პატივს სცემს მართლმადიდებლურ სარწმუნოებას, აღნიშნავს მისი დაბადების გამოცხადების ( ხარების) დღეს .
ეს დღე საბერძნეთსა და კვიპროსში სახალხო დღესასწაულია. მისი ორმაგი ზეიმი მას წელიწადის ერთ-ერთ მნიშვნელოვან თარიღად აქცევს.
ღვთისმშობლის ხარების დღესასწაული. Ευαγγελισμός Θεοτόκου
ეტიმოლოგიურად, სიტყვა ევანგელიზმი მომდინარეობს ჰომერული სიტყვიდან evangelos, რაც ნიშნავს სასიხარულო ცნობის მაცნეს (ევ + ანგელოზი).
სასიხარულო ამბავი ღვთისმშობელს მთავარანგელოზმა გაბრიელმა გადასცა, რომელმაც უთხრა, რომ დაორსულება და მოავლენს იესოს, ღვთის ძეს.
მახარებლის ლუკას თქმით, ღმერთმა ქალწულ მარიამს საკუთარი გადაწყვეტილების მიღების უნარი მისცა, რაც მას თანაშემოქმედების სიხარულს ანიჭებდა.
შემდეგ მთავარანგელოზმა გაბრიელმა აუხსნა მარიამს, რომ ეს იყო ღვთის ნება და ის იზრუნებს ყველაფერს. რადგან ე ბავშვი იქნება ღვთის ძე.
ხარების დღესასწაული ითვლება კაცობრიობის ხსნის დასაწყისად, საუკუნეების განმავლობაში დაფარული ღვთის საიდუმლოს გამოცხადებად.
25 მარტს ბერძნული საზოგადოება აღნიშნავს 1821 წლის რევოლუციას თურქული უღლის წინააღმდეგ 400 წლიანი მონობის შემდეგ.
იგულისხმება ბერძნების შეიარაღებულ აჯანყება ოსმალეთის წინააღმდეგ დამოუკიდებელი სახელმწიფოს ჩამოყალიბების მიზნით.
უფრო კონკრეტულად, რევოლუცია დიპლომატიურ დონეზე დაიწყო ჯერ კიდევ 1821 წლის თებერვლის ბოლოს შორეული მოლდოალახიიდან (დღევანდელი რუმინეთი) პრინცი ალექსანდრე იფსილანტისის მიერ.
საბერძნეთში აჯანყება დაიწყო პელოპონესიდან და სწრაფად გავრცელდა ცენტრალურ საბერძნეთში და იქიდან მთელ ქვეყანაში.
რევოლუციის დასაწყებად აუცილებელი ეროვნული თვითმყოფადობის ჩამოყალიბებაში კატალიზატორი როლი ითამაშა ახლმა ბერრძნულმა განმანათლებლობამ.
მის მთავარ წარმომადგენლებს შორის იყო რიგას ფერაიოსი ანუ ველესტინლისი, რომელმაც ასევე დაწერა ცნობილი “ერთი საათი თავისუფალი სიცოცხლე სჯობს 400 წლიან მონობასა და ციხეს”, ფრაზა, რომელიც განუყოფლად იყო დაკავშირებული განმათავისუფლებელ ბრძოლასთან.
პოპულარული ლეგენდების თანახმად, რევოლუცია დაიწყო კალავრიტადან, კერძოდ, აგია ლავრიდან.
იქ ძველი პატრას მიტროპოლიტმა გერმანოსმა ფარულად აღმართა რევოლუციის დროშა 1821 წლის 25 მარტს, რამაც გამოიწვია განმათავისუფლებელი ბრძოლა.
ეს მოვლენა ისტორიულად დაფიქსირდა, რადგან ის გარკვეულწილად უკავშირებდა ეკლესიასა და რელიგიურ ტრადიციას რევოლუციასთან.
ასევე, ერთი შეხედულებისამებრ, თარიღი შეირჩა, ერთი მხრივ, მისი რელიგიური მნიშვნელობის გამო და მეორე მხრივ, იმიტომ, რომ მათ სჯეროდათ, რომ ამ დღეს შეეძლოთ რევოლუციის დამალვა რელიგიური დღესასწაულების ფარგლებში.
წყარო: ქართულ-ბერძნული, კულტურულ-საგანმანათლებლო ცენტრი “პეგასი-მერანი”.
