მამა შალვა კეკელია კლუბში ნარკოტიკით გარდაცვლილ გოგოზე საუბრობს და ჟურნალისტებს მიმართავს, გამოიძიონ რამდენი ადამიანი იღუპება ამ პრობლემით.
„19 წლის გოგოს ავუგე წესი, ეს გოგო გარდაიცვალა კლუბში. კლუბური ნარკოტიკი მიიღო და გარდაიცვალა, ეს ადამიანი მოკლეს. ასე კვდება ძალიან ბევრი ადამიანი. ამაზე დღეს ხმას არავინ იღებს, არავინ საუბრობს. მე არ მომისმენია, ამაზე ვინმეს ელაპარაკოს. საქმე არ აღძრულა, არავის გამოუძიებია.
კვირა არ გავა, რომ ორი ადამიანი მაინც არ მომიყვანონ კლუბური ნარკოტიკით განადგურებული ადამიანი. ფსიქიკა შეშლი ადამიანები. მინდა, მივმართო ჟურნალისტებს, მოდით, გამოიძიეთ. იმდენი ადამიანისთვის, მომიწია წესის აგება. გუშინ მთელი ღამე არ მიძინია, დახატული, ულამაზესი გოგო იყო. გასართობად წავიდა ბავშვი და მშობლებს მიუსვენეს“, – აღნიშნა მოძღვარმა.
მისივე თქმით, გამოსავალია კანონის მიღებაში, სახელმწიფო უნდა დადგეს სიმაღლეზე, თუმცა, დასძენს, რომ მშობლებიც უნდა დადგნენ თავის სიმაღლეზე.
