გიამბობთ ბალიზე – კუნძული იმდენად დიდი და მრავალფეროვანია, რომ ერთი თვე აღმოჩნდა საკმაოდ მწირე დრო მის გასაცნობად.
ბალიზე ჩამოსვლა უკვე მრავალი წელია ჩემს გეგმაში იყო, თუმცა ადრე ეს ბევრად რთული პროცედურა გახლდათ. საჭირო იყო შუამავალი, რომელიც ვიზის სპონსორის როლს შეასრულებდა, და ეს ხშირად 300 დოლარამდე ჯდებოდა. 2024 წლიდან საქართველოს მოქალაქეებს შეუძლიათ თვითონ შეავსონ სავიზო განაცხადი ონლაინ რეჟიმში და მხოლოს 85 ევრო გადაიხადონ ინდონეზიის 2-თვიან ვიზაში.
საქართველოდან ბალიზე ჩამოსვლა შესაძლებელია საკმაო ბიუჯეტის ფასადაც. უბრალოდ, უნდა იყოდოთ (დროულად) ქუთაისი-აბუ დაბის ბილეთი, შემდეგ კი დუბაიდან ჩამოფრინეთ ბალიზე მაგალითად, ჩინეთის ან კუალა ლუმპურის გავლით, სულ რაღაც 200-250 ევროდ.
ინდონეზია არის ყველაზე იაფი ქვეყანა იმ 68 ქვეყნიდან, სადაც ოდესმე ვყოფილვარ. სადილის ან ლანჩის ფასი აქ 3 ლარიდან იწყება (დიახ, ლარი და არა დოლარი ან ევრო). ძალიან კარგ გესთჰაუსს აქ 20 ლარადაც კი იქირავებთ, რაც იმას ნიშნავს, რომ ორი ადამიანიდან თითოსთვის ხარჯი მხოლოდ 10 ლარი იქნება დღე-ღამეში.
ტრანსპორტის მთავარი სახეობა აქ არის მოტო-ტაქსი, რომელსაც აპლიკაციით იძახებთ და მიბმული ბარათით იხდით. 5 კილომეტრიანი მანძილის მგზავრობა აქ 10 ლარზე ნაკლები დაგიჯდებათ.
ბალი არის ტაძრების ქალაქი. კრებსით აქ 10000 ტაძარია, რაც იმას ნიშნავს, რომ აქ ტაძრები ყოველ ფეხის ნაბიჯზეა.
ხალხი არის ძალაინ კეთილი და მეგობრული. ინგლისური იცის თითქმის ყველამ.
ეს პოსტი არის ძირითადად ჩანგუს ვიზუალიზაცია. ეს არის ერთ-ერთი ყველაზე ნაკლებად საინტერესო ლოკაცია ბალიზე, მაგრამ ამავე დროს ერთ-ერთი ძალიან ბიუჯეტური და ძალიან ტურისტული.
ყველაზე საინტერესო მოგონება ჩანგუს შესახებ არის გიგანტურ ზღვის კუსთან შეხვედრა. 🐢❤️
ჩანგუდან 8 კმ დაშორებით მდებარეობს Tanah Lot. ეს არის ბალის ერთ-ერთი უძველესი და ულამაზესი ტაძარი. ტანაჰ ლოტო მდებარეობს პენინსულაზე, რომელიც დღის გარკვეულ მონაკვეთში კუნძულად იქცევა.
ჩანგუს სანაპიროები მხოლოდ სერგინგისთვის თუ გამოდგება. აქ ცურვა, ანდა საერთოდ წყალში ჩასვლა საკმაოდ სახიფათოა…
შემდეგ პოსტში გიამბობთ ბალის ყველაზე ლამაზი ლოკაციის შესახებ, რომელიც არის, რა თქმა უნდა, უბუდი.
ავტორის შესახებ:
უკვე თითქმის 8 წელია, რაც არსად აღარ ვცხოვრობ, უფრო სწორად კი მთელი მსოფლიო ვაქციე ჩემს სახლად🌍🏠
2016 წელს მივიღე გადაწყვეტილება და ავირჩიე ნომადური ცხოვრების სტილი. სხვადასხვა ქვეყანაში ცხოვრების გამოცდილება ადრეც მქონდა – მიცხოვრია მსოფლიოს 5️⃣ ქვეყანაში, თუმცა მას შემდეგ, რაც ციფრული ნომადი გავხდი, თითოეულ ქვეყანაში, როგორც წესი, 2 კვირიდან 4 თვემდე ვატარებ.
რამდენიმე საინტერესო ფაქტი ჩემს შესახებ: მაქვს 4️⃣ უმაღლესი განათლება და ჯეროვნად ვფლობ 🔟 ენას. ვარ ნამყოფი 6️⃣5️⃣ ქვეყანაში და 6️⃣ კონტინენტზე.
მადლობა ყველას, ვინც უკვე დამაფოლოვეთ ფეისბუქზე ❤️ #iraklininua
მასალის გამოყენების პირობები
