სასწავლო/გაცვლითი პროგრამები ქართველი ახალგაზრდებისთვის
მედიაჰოლდინგ „შენის“ რესპონდენტი ამჯერად მაკა თეთრაძეა, რომელიც „study abroad consultant hub”-ის, ანუ „საჩის“ დამფუძნებელი და აღმასრულებელი დირექტორია.
– როდის დაარსდა თქვენი კომპანია და რას ემსახურება?
– ჩვენი კომპანია დაარსდა 2023 წლის დასაწყისში, მყარი მიზნისა და ხედვის საფუძველზე – საზოგადოების რაც შეიძლება ფართო ნაწილისთვის მიგვეცა შესაძლებლობა, არა მხოლოდ აერჩიათ მათთვის სასურველი ფაკულტეტი, არამედ ასევე მარტივად და ხელმისაწვდომად მიეღოთ მათთვის საჭირო ყველა სახის ინფორმაცია. ჩვენი მიზანია, განათლების სფეროში გადაწყვეტილებების მიღების პროცესი გავამარტივოთ და უზრუნველვყოთ თითოეული მომხმარებელი კომპეტენტური და დეტალური ინფორმაციის მხარდაჭერით, რაც მათ დაეხმარება პროფესიული და აკადემიური მიზნების მიღწევაში. ჩვენ ვეხმარებით თითოეულ მსურველს გადააქციონ თავიანთი გამოწვევები წარმატებად და სასურველ ქვეყანაში წავიდნენ სასწავლებლად. უნივერსიტეტში ჩაბარება, გაცვლითი პროფრამები, სავიზო პროცედურები, სკოლაში სწავლის გაგრძელება, თუ ნებისმიერი სხვა მსგავსი მომსახურება შეგიძლიათ აღმოაჩინოთ “საჩში”.
– რატომ დაინტერესდით ამ სფეროთი?
– ჩემი დაინტერესება განათლების სფეროთი ბუნებრივი განვითარებაა ჩემი ხანგრძლივი, 25 წელზე მეტი გამოცდილებისა, რომელიც მჭიდროდ მაკავშირებს ამ მიმართულებასთან. 2008 წლიდან დავიწყე საგანმანათლებლო/გაცვლითი პროგრამების განხორციელება, რომლის ფარგლებშიც ათობით მოსწავლესა და სტუდენტს ვუძღვებოდი ლონდონში ენის მოკლე კურსებზე. ამ მრავალწლიანმა მოღვაწეობამ და სხვადასხვა კოლეჯსა თუ უნივერსიტეტთან დამყარებულმა კონტაქტებმა მომცა უნიკალური გამოცდილება და გააღვიძა სურვილი, შემექმნა კომპანია, რომელიც გააგრძელებდა ამ მიმართულებით მუშაობას. შედეგად, ეს იყო ბუნებრივი ნაბიჯი, რომელიც სრულად ასახავს წლების მანძილზე დაგროვილ ცოდნას, პრაქტიკას და განათლების სფეროში ჩემი წვლილის შეტანის სურვილს.
– რა არის თქვენი კომპანიის მთავარი მიზანი?
– ჩვენი კომპანიის მთავარი მიზანია, უზრუნველვყოთ რაც შეიძლება მეტი ახალგაზრდა შესაძლებლობით, გაიღრმავონ აქ მიღებული ზოგადსაგანმანათლებლო თუ საუნივერსიტეტო განათლება იმ უნივერსიტეტებში, რომლებიც ცნობილია მაღალი დონის სპეციალისტების ჩამოყალიბებით. ჩვენი მიზანია, შევქმნათ გარემო, სადაც ახალგაზრდებს ექნებათ წვდომა საუკეთესო აკადემიურ და პროფესიულ შესაძლებლობებზე, რაც მათ გლობალურ წარმატებასა და კარიერულ წინსვლაში დაეხმარება.
– ფლობთ თუ არა საერთაშორისო აღიარებას?
– დიახ, ჩვენ ვფლობთ საერთაშორისო აღიარებას და ვართ ICEF-ის სერთიფიცირებულები, რაც ნიშნავს, რომ ჩვენი სანდოობის ინდექსი უმაღლესია არა მხოლოდ სტუდენტებისათვის არამედ ყველა ჩვენი პარტნიორი უნივერსიტეტისათვის.
– ეს პროგრამები მხოლოდ სტუდენტებზე ვრცელდება, თუ მოსწავლეებზეც არის გათვლილი?
– ჩვენი სასწავლო/გაცვლითი პროგრამები გათვლილია არა მხოლოდ სტუდენტებზე, არამედ სკოლის მოსწავლეებზეც. ვცდილობთ, რაც შეიძლება ფართო აუდიტორიას მივაწოდოთ შესაბამისი საგანმანათლებლო რესურსები და შესაძლებლობები, რათა მათ ადრეული ასაკიდანვე შეძლონ განათლების გაღრმავება და საერთაშორისო გამოცდილების მიღება.
– რატომ ურჩევთ სტუდენტებს საზღვარგარეთ სწავლას?
– სტუდენტებს საზღვარგარეთ სწავლის რეკომენდაციას ვუწევ რამდენიმე მიზეზის გამო. პირველ რიგში, ეს საშუალებას აძლევს მათ მიიღონ მაღალი ხარისხის განათლება მსოფლიოს წამყვან უნივერსიტეტებში, რაც მნიშვნელოვნად აფართოებს მათ აკადემიურ და პროფესიულ პერსპექტივებს. მეორე, საზღვარგარეთ სწავლა ამდიდრებს სტუდენტებს მრავალფეროვანი კულტურული გამოცდილებით, რაც აუმჯობესებს მათ უნარებს გლობალურ კონტექსტში მუშაობისთვის. გარდა ამისა, უცხო ენების შესწავლა და ახალ გარემოში ადაპტაცია მნიშვნელოვნად ამაღლებს სტუდენტების პიროვნულ განვითარებასა და თვითდაჯერებას. საბოლოოდ, ეს გამოცდილება აძლიერებს მათ უნარს კონკურენცია გაუწიონ გლობალურ შრომის ბაზარზე.
