რა ღირს ბინები გერმანიაში და როგორ უნდა მოიპოვოთ ბინადრობის უფლება
ბინადრობის უფლების მოსაპოვებლად გერმანიაში უცხოელთა საქმეთა უწყებაში (Ausländerbehörde) უნდა წარადგინოთ ცნობა (Meldebescheinigung) რეგისტრაციის შესახებ. ამისთვის თავდაპირველად დაგჭირდებათ ბინის მოძებნა გერმანიაში.
ბინები შეგიძლიათ დაათვალიეროთ უძრავი ქონების შესაბამის ინტერნეტგვერდებზე. სხვა ქვეყნებთან შედარებით, გერმანიაში უმეტესობა ქირით ცხოვრობს. ამიტომ საჭირო არ არის თავიდანვე ბინის ყიდვა.
შესაძლებელია როგორც ერთი ოთახის, ასევე მთელი ბინის და სახლის დაქირავება. ფასები ძალიან განსხვავებულია. დიდ ქალაქებში ბინის ქირა შედარებით მეტია. მაგ. მიუნხენში ერთი კვადრატული მეტრი 22 ევრო ღირს. სოფლებში ბინის ქირის ღირებულება საგრძნობლად დაბალია. თუმცა, სოფლებში ტრანსპორტისა და საყიდლებზე, დიდ ქალაქებთან შედარებით, შეზღუდული არჩევანია.
