მედიაჰოლდინგი „შენი“ გთავაზობთ ინტერვიუთა ციკლს საქართველოს ახალგაზრდა ელჩებთან, რადგანაც მიგვაჩნია, რომ ფართო საზოგადოებამ უნდა გაიცნოს ყველა ის ადამიანი, რომელიც ჩვენი ქვეყნის პოპულარიზაციისთვის სახელმწიფოებრივად სასარგელო საქმეს აკეთებს.
ჩვენი რესპონდენტი თურქეთში საქართველოს ახალგაზრდა ელჩი სოფიკო ბზარაშვილია და სანამ მასთან საინტერესო ინტერვიუს შემოგთავაზობთ, გაგაცნობთ მოკლე ინფორმაციას ახალგაზრდა ელჩების შესახებ:
ცნობისთვის: საქართველოს საგარეო საქმეთა სამინისტრო, მიგრაციის პოლიტიკის განვითარების საერთაშორისო ცენტრის (ICMPD) მხარდაჭერით, საგრანტო პროგრამას 2018 წლიდან ახორციელებს. პროგრამის მიზანს წარმოადგენს საქართველოს პოპულარიზაცია, ქვეყნის ეროვნული ინტერესების დაცვისკენ მიმართული ქმედებებისა და ღონისძიებების განხორციელება, მათ შორის, საქართველოს ევროპული და ევროატლანტიკური ინტეგრაციის, აგრეთვე დეოკუპაციისა და კონფლიქტის მშვიდობიანი მოგვარების საკითხებზე საერთაშორისო თანამეგობრობის ინფორმირებულობის გაზრდისა და საკითხის საერთაშორისო დღის წესრიგში გააქტიურების ხელშეწყობის თვალსაზრისით, საქართველოს უცხოელ ახალგაზრდა მეგობართა ქსელის შექმნა, ქართული დიასპორის წარმომადგენლებთან ურთიერთობა და კულტურულ-საგანმანათლებლო ღონისძიებების გამართვა.
პროგრამის ფარგლებში, ახალგაზრდა ელჩების შერჩევა ხდება ღია კონკურსის საფუძველზე, საგარეო საქმეთა სამინისტროს მიერ განსაზღვრული 27 ქვეყნიდან: ავსტრიის რესპუბლიკა, კანადა, ამერიკის შეერთებული შტატები, ბელგიის სამეფო, ბულგარეთი, გერმანიის ფედერაციული რესპუბლიკა, დანია, დიდი ბრიტანეთისა და ჩრდილოეთ ირლანდიის გაერთიანებული სამეფო, ესპანეთის სამეფო, ესტონეთი, თურქეთის რესპუბლიკა იაპონია, ირლანდია, ისრაელის სახელმწიფო, იტალიის რესპუბლიკა, ლატვია, ლიეტუვა, ნიდერლანდების სამეფო, პოლონეთის რესპუბლიკა, საბერძნეთის რესპუბლიკა, საფრანგეთის რესპუბლიკა, უკრაინა, უნგრეთი, შვედეთის სამეფო, შვეიცარია, ჩინეთი, ჩეხეთი.
sheniemigrani.ge გთავაზობთ ექსკლუზიურ ინტერვიუს თურქეთში საქართველოს ახალგაზრდა ელჩთან – სოფიკო ბზარაშვილთან, რომელიც საკუთარი ნაყოფიერი საქმიანობის შესახებ დეტალურად გვიამბობს:
– მე გახლავართ სოფიკო ბზარაშვილი, “სტამბოლის უნივერსიტეტის” საერთაშორისო ურთიერთობების მაგისტრანტი და ახალგაზრდა ევროპელი ელჩი. ჩემი პროფესიული გამოცდილება მოიცავს პროექტების კოორდინატორობას საქართველოს მდგრადი განვითარების ასოციაციაში, ასევე სოციალური მედიის მართვას და ბიბლიოთეკარის საქმიანობას თურქეთის “მაარიფის” სკოლებში. ახლახანს დავიწყე მუშაობაHR სპეციალისტის პოზიციაზე ერთ-ერთ კომპანიაში.
განათლება მივიღე “ილიას სახელმწიფო უნივერსიტეტში” საერთაშორისო ურთიერთობებსა და პოლიტიკის მეცნიერებებში სამაგისტრო საფეხურის ჩათვლით.
აქტიურად ვარ ჩართული საერთაშორისო პროექტებსა და კონფერენციებში, რაც მეხმარება, გავაღრმავო ჩემი ცოდნა და განვივითარო ისეთი მნიშვნელოვანი უნარები, როგორიცაა საერთაშორისო ურთიერთობების, მშვიდობისა და უსაფრთხოების საკითხების მართვა კავკასიის რეგიონში და ა.შ.
რაც შეეხება ახალგაზრდა ელჩის პოზიციას, უკვე დაწყებულ გზას ვაგრძელებდი, რადგან რამდენიმე წელი ვცდილობდი ქართული ეროვნული ინტერესების აქტიურად გატარებას თურქულ ორგანიზაციებში, ეს ყოველივე კი ჩემს ბიბლიოთეკაში თურქი მოსწავლეებისთვის ქართული პოეზიის გაცნობით დავიწყე, ასევე ვცდილობდი, ატიურად გამევრცელებინა მოსახლობაში დეზინფორმაციისგან თავის არიდების მეთოდები, “აირექსის” მხარდაჭერით ერთი წლის მანძლზე სხვადასხვა სკოლის პედაგიოგებს ვუტარებდი უფასო ტრენინგებს ამ მიმართულებით.
ვეცნობი სხვადასხვა ევროპული ქვეყნის გამოცდილებას ახალგაზრდულ მოხალისეობრივ საქმიანობასთან მიმართებით, ვცდილობ უფრო გავიღმავო ცოდნა და შემდეგ გადავცე ეს უპირველს ყოვლისა ჩემს პატარა ძმასა და დებს, მოსწავლეებს, მეგობრებს, საზოგადოებას, რადგან ზარათუსტრას მაგალითი ჩემთვის ნიშაა.
ასევე გავიაზრე ერთი ძალიან საინტერესო საკითხი – ახალგაზრდული ძალა ნამდვილად ქმნის განწყობებს საზოგადოებაში და ახდენს მის კონსოლიდაციას, ერთი აზრის ქვეშ გაერთიანებას მითუმეტეს უცხო ქვეყნის მიწაზე, მე და ჩემი მეგობრები სტამბოლში ვცდილობთ ქართული კულტურის პოპულარიზაციას, ეს იქნება ქართველი მწერლების ნაწარმოებების თარგმნა თურქულად თუ ვეცხისტყაოსნის ხელით გადაწერის კულტურის ჩამოყალიბება, რომელიც შოთა რუსთაველის კულტურის ცენტრმა დაიწყო, რადგან ჩვენი დამწერლობა უნიკალურია. ჩამოსვლისთანავე, მივიღე კალიგრაფიის კონკურსში მონაწილეობა, სადაც ქართველი ხატმწერის ნამუშევარი გავიტანე – უცხოელი სტუდენტები აღფრთოვანებას ვერ მალავდნენ.
ახალგაზრდა ელჩის სამოქმედო გეგმის ფარგლებში, პირველი ნაბიჯი იყო ქართული ჰაბის შექმნა, რომლის სამიზნე ჯგუფს თურქეთში მცხოვრები ქართველი ახალგაზრდები წარმოადგენდნენ. წევრების მოსაზიდად მივმართე თურქეთში საქართველოს საელჩოსა და საკონსულოებს, ასევე საქართველოში თურქეთის საელჩოს განათლების ატაშეს თანაშემწეს. აგვისტოს თვე ქართველთა მეხსიერებაში ძალზედ მტკივნეულია, რასაც შოვის ტრაგედია დაემატა. შესაბამისად, არაადეკვატურად მიმაჩნია მუსიკალური ღონისძიების ორგანიზება, ამიტომ აქცენტი გავაკეთე აგვისტოს ომსა და სოხუმის დაცემის 30 წლისთავზე.
შემდეგ პროექტ „იყავი შენი ქვეყნის ახალგაზრდა ელჩის“ გამარჯვებულებულებთან ერთად ჩავატარეთ ვებინარი „საქართველოს ოკუპაცია და დეოკუპაცია: ისტორიული პერსპექტივა და დღევანდელი რეალობა“.
ვებინარზე განვიხილეთ საოკუპაციო პოლიტიკის ისტორიული განზომილებები, საერთაშორისო რეაქციები საქართველოს ოკუპაციის შემდეგ და პირადი ისტორიები გავუზიარეთ ერთმანეთს. ვებინარი მიზნობრივი ანალიზის საფუძველზე იყო აგებული, რომელსაც კვალიფიციური ანალიტიკოსები იკვლევდნენ. ორგანიზებაში მონაწილეობდნენ საქართველოს ახალგაზრდა ელჩები თურქეთში, იტალიაში, უნგრეთსა და კანადაში.
17 სექტემბერს ქართული საკვირაო სკოლის გახსნის დღესთან დაკავშირებით, სტამბოლში ჩატარდა თათარობა, რომელსაც ესწრებოდნენ საქართველოს გენერალური კონსული, ბ-ნი ალექსანდრე ჯიშკარიანი და მსოფლიო საპატრიარქოს წარმომადგენელი, მიტროპოლიტი იოაკიმე. საქართველოს ახალგაზრდა ელჩის პროგრამის ფარგლებში, საკვირაო სკოლა სასწავლო რესურსებით მოვამარაგე, რათა თურქეთში მცხოვრებმა ახალგაზრდა თაობამ არ დაივიწყოს ქართული ენა და კულტურა.
27 სექტემბერს კი ჩემი, როგორც თურქეთის რესპუბლიკაში საქართველოს ახალგაზრდა ელჩის, ორგანიზებითა და შოთა რუსთაველის კულტურის ცენტრის მხარდაჭერით, გაიმართა გამოფენა/პოეზიის საღამო „აფხაზეთი ჩვენი ტკივილია“.
ღონისძიებაზე მონაწილეობდნენ ქართული დიასპორის წარმომადგენლები, რომლებმაც წარმოგვიდგინეს პოეტური და ლიტერატურული ნამუშევრები აფხაზეთის თემაზე. საღამო გაგრძელდა სტუდენტების გამოსვლებით, რომლებმაც თავიანთი შეხედულებები და სამომავლო ინიციატივები გაგვიზიარეს. საღამოს მთავარი სტუმარი იყო ვიცე-კონსული გიზო ბიბლაია, რომელმაც დამსწრე აუდიტორიას ემოციური სიტყვებით მიმართა. ღონისძიება დასრულდა მოწვეული სტუმრების მიერ ფლიფჩარტზე დაწერილი სურვილებითა და სამომავლო პერსპექტივებით, რომლებიც საქართველოს ერთიანობასა და აფხაზეთის საკითხს ეხებოდა.
ასევე, ამ პერიოდში ჩავატარე მცირე ონლაინ გამოკითხვა თურქეთში მცხოვრები ქართველი სტუდენტების საჭიროებებთან დაკავშირებით. მივიჩნევ, რომ ასეთი გამოკითხვა ყოველწლიურად მიზანშეწონილია, რადგან ხშირად იცვლება უცხოელ სტუდენტებთან დაკავშირებული კანონმდებლობა. თვის ბოლოს კი ჩემს კოლეგებთან ერთად გავმართეთ ონლაინ პანელური დისკუსია სახელწოდებით „30 წელი სოხუმის დაცემიდან: რეალობა და პერსპექტივები“, სადაც სიღრმისეულად განვიხილეთ აფხაზეთის, როგორც გაყინული კონფლიქტის ისტორიული განზომილებები.
14 ოქტომბერი მცხეთობა 2023
ინტერკულტურული კომუნიკაციები საქართველოში
შეხვედრაზე დამსწრე საზოგადოებას გავაცანით “იყავი შენი ქვეყნის ახალგაზრდა ელჩის” პროგრამა და ხაზი გავუსვით საქართველოს განსაკუთრებულ ჩართულობას საზღვარგარეთის ქვეყნებში მცხოვრებ ქართველ ახალგაზრდებთან და სტუდენტებთან ინსტიტუციონალური ურთიერთობის განვითარებაში, რომლის მთავარი მიზანია ადგილსამყოფელ ქვეყნებში საქართველოს, მისი კულტურის პოპულარიზაცია, ქვეყნის ეროვნული ინტერესების დაცვა, უცხოელ მეგობართა ქსელის შექმნა და დიასპორის წარმომადგენლებთან ურთიერთობა.
შეხვედრას ესწრებოდნენ: საქართველოს საკონსულოს წარმომადგენლები სტამბოლში და თურქეთის სახელმწიფო სტიპენდიების პროგრამის სტამბოლის ოლქის კოორნდინატორი
სხვადასხვა ეროვნების წარმომადგენელი სტუდენტები, აღნიშნული ქვეყნებიდან : ინგუშეთი, ირანი, ერაყი, ეგვიპტე, ნიგერია, ყაზახეთი, უზბეკეთი, უკრაინა, მოლდოვა, ჩეჩნეთი,გერმანია, იტალია, პოლონეთი …
სტუდენტებთან სამუშაო შეხვედრაზე აქტივობა გვქონდა ასეთი, უცხოელ სტუდენტებს “ვეფხისტყაოსნიდან” შერჩეული აფორიზმები უნდა გადაეთარგმნათ საკუთარ მშობლიურ ენაზე, რათა ნათლად დაენახათ ამ პოემის არსი და ღირებულება.
გამომდინარე იქიდან, რომ აღნიშნული საღამო ინტერკულტურულ საქართველოს ეხებოდა, საჯაროდ გამოვიტანე ქართული ფილმების შესახებ გაკეთებული შარჟი/ პოსტერები.
ამავდროულად საკვირაო სკოლიდან ჩემმა ორმა მოსწავლემ წარადგინა ქართული ნაციონალური ცეკვებიდან რამოდენიმე ნომერი: მთიულური, აფხაზური, ოსური და ლაზური.
აღნიშნულ ღონისძებას ისეთი გამოხმაურება ჰქონდა , რომ Türkiye Scholarships თურქეთის სტიპენდიების გვერდმა გამოაქვეყნა საჯარო ინფორმაცია.
3 ნოემბერს სტამბოლში, “ქართული კულტურის ცენტრი”-სა და ახალგაზრდა ელჩის თანადგომით, გაიმართა მეტად საინტერესო შეხვედრა/ღონისძიება, რომელიც ეძღვნებოდა იმ ქართველების ხსოვნას, რომლებმაც წლები შეალიეს თურქეთში ქართული ეთნიკური იდენტობის შენარჩუნების საქმეს. აღნიშნულ ღონისძიებაზე მოხსენებებით წარსდგნენ მკვლევარები, მათ შორის გამორჩეული საკითხი იყო: თურქეთშ დაბადებულ გაზრდილი ქართველების ევროპული დიასპორა, კერძოდ გერმანიასა და შვედეთში მცხოვრებ-ილია ხიმშიაშვილი (აბდურაჰმან ჩეთინქაია) და შალვა თევზაძე (შანვერ აქინი,) რომელიც მთელი თავისი შეგნებული ცხოვრება თურქეთსა და ევროპის ქვეყნებში გაფანტულ თანამემამულეებში მიძინებული ეთნიკური თვითშეგნების გამოღვიძებას ცდილობდა. მკვლევარი კი “ილიას სახელმწიფო უნივერსიტეტის” ლექტორი, ისტორიის დოქტორი ნინო ოქროსცვარიძე გახლდათ.
17-22 ნოემბერი
#IstanbulEducationSummit 2023 დასრულდა!
აღნიშნული სამიტზე პანელის მოდერატორი გახლდათ თურქეთის განათლების სამინისტროს განათლებისა და დისციპლინის საბჭოს თავმჯდომარე პროფ. ჯიჰად დემირლი, მას პირადად შევხვდი და ვისაუბრეთ საქართველოში თურქი მოსწავლეებისა და სტუდენტების ქართული ენის შესწავლის საკითხზე, რამდენად აუცილებელია თურქეთში ქართველებმა შეინარჩუნონ საკუთარი მშობლიური ენა, საქართველოში კიდევ თურქებმა მოსწავლეებმა შეისწავლონ ქართული.
პანელში მონაწილეობდა თურქეთის განათლების მინისტრის მოადგილე სელილე ერენ ოქტენი. ბოსნია ჰერცეგოვინა განათლების მინისტრი, ნაიდა ჰოტა მუმინოვიჩი. ალბანეთის განათლების სამინისტროს ხარისხის უზრუნველყოფის სამსახურის წარმომადგენელი .
✅️კალიფორნიის უნივერსიტეტის კომპიუტერული მეცნიერების დეპარტამენტის მკვლევარი ჩეტინ კაია ქოჩი; ნიუ-იორკის უნივერსიტეტის კომპიუტერული მეცნიერების დეპარტამენტის ხელმძღვანელი, პროფ. მარენგლენ ბიბა, ჰონკონგის განათლების უნივერსიტეტის სასწავლო გეგმისა და ინსტრუქციის ხელმძღვანელი, პროფ. ჩი-კინ ჯონ ლი, ასევე პანელი შეაჯამა მიჩიგანის სახელმწიფო უნივერსიტეტის განათლების ფაკულტეტის პროფესორმა, ტექნოლოგიებისა და ადამიანის სწავლის საკითხებში, დუგლას კ. ჰარტმანმა.
სამიტის მთავარი მომხსენებელი გახლდათ, კურიკულუმის რედიზაინის ცენტრის (CCR) დამფუძნებელი პრეზიდენტი ჩარლზ ფადელი.
25 ნოემბერი
დეზინფორმაციისგან თავდაცვის საშუალებები საქართველოს კონტექსტში
ახალგაზრდა ელჩის სამოქმედო გეგმის მერვე ნაწილის ფარგლებში, 25 ნოემბერს „ვირტუალური შერლოკის “ პროექტის ფარგლებში დაიგეგმა მედიაწიგნიერების ტრენერთა ტრენინგი სტუდენტებთან.
ტრენინგის მიზანს წარმოადგენდა: მონაწილეებში, დაკვირვების, სხარტად პასუხის გაცემის და დამახსოვრების უნარების გაუმჯობესება სტუდენტებს ვთხოვე უკუკავშირი დაებრუნებინათ PADLET_ მეშვეობით და მათი შთაბეჭდილებებიდან გამომდინარე ჩემი რეფლექსიაც ასეთი გახლავთ:
ვფიქრობ, ტრენინგი იყო ნაყოფიერი, დატვითული ბევრი საინტერესო აქტივობით. ვმუშავეთ წყვილებში და ინდივიდუალურად. სასიამოვნოა კოლეგებთან ერთიეთობა, რადგან სტუდენტების შინაგანი მოტივაცია მაღალია, ყოველი წუთი პროდუქტიულია,
ტრენინგის შემდგომ სამივე სამიზნე ჯგუფს გავუგზავნე ონალინ რესურსი და გავაგრძელებ ამ ტრენინგების სერიებს , რადგან ომის მიმდინარეობისას ნებისმიერ სახელმწიფოს ესაჭიროება დეიმფორმაციისგან თავდაცვის გზების მცოდნე მოქალაქეები.
2023 წლის 26 ნოემბერს პერას ხელოვნების სახლში გამართულ ნელი აფციაურის შემოქმედებით საღამოზე ქართველმა და თურქმა სკოლის მოსწავლეებმა შეასრულეს ქართული კლასიკური ნაწარმოებები როიალის თანხლებით.
საქართველოს ახალგაზრდა ელჩის ამპლუაში , აღნიშნულ საღამოსთვის ვამეცადინებდი საქართველოს ჰიმნსა და “სულიკოში” საკვირაო სკოლის მოსწავლეებს, ასევე მოვამაგრაგე საქართველოს დროშებით საკონცერტო დაბაზი .
საღამოს დასასრულს კი წარვადგინეთ თურქულ ენაზე ნათარგმნი ნოდარ დუმბაძის ნაწარმოები „ნუ გეშინია, დედა”, სამომავლოდ იგეგმება ,,თეთრი ბაირაღების ” გამოქვეყნებაც.
აღნიშნულ საღამოს მუსიკალურად აფირმებდა ნელი აფციაურთან ერთად ბაიარ შაჰინი .
ასევე საღამოს ესწრებოდნენ შოთა რუსთაველი ასოციაციის თავჯდომარე: სეზენ გონეჩი, ორჰან ბერიძე, ქართული ენის ცენტრის თავჯდომარე გოდერძი მახარაძე საქართველოს კულტურული ასოციაციის თავჯდომარე ფეჰმი უსტიაშვილი, საქართველოს მწერალთა კავშირის თავჯდომარე: მაყვალა გონაშვილი. ასევე სპეციალური მოწვევით ქუთაისი კულტურის ცენტრის დირექტორი ქეთევან ბოლქვაძე მუსიკალურ გუნდთან ერთად.
საქართველოს რეგიონული განვითარების პრეზენტაცია სხვადსხვა უნივერსიტეტის სტუდენტებისთვის თურქეთიდან და აღმოსავლეთ ევროპის ქვეყნებიდან.
მიგრაციის დღის აღსანიშნავად 17 და 18 დეკემბერს ღონისძიება გაიმართება ქ.რომში. ღონისძიება მიზნად ისახავს მიგრაციის საერთაშორისო დღის ფარგლებში წარმოაჩინოს საქართველო, როგორც ევროპული სახელმწიფო, იტალიელ, ევროპელ და საერთაშორისო ახალგაზრდებს გააცნოს იგი, როგორც ევროპული ღირებულებების მატარებელი ქვეყანა.
დღემდე საკუთარი სახსრებით, მოხალისეობრივი ენთუზიაზმით ვცდილობდი ჩემი ქვეყნის პოპულარიზაციას საზღვრებს გარეთ, ევროპასა თუ ახლო აღმოსავლეთში, მხოლოდ ჩემი სალამურითა და ფანდურით. ახალგაზრდა ევროპელი ელჩის და ,,იყავი შენი ქვეყნის ახალგაზრდა ელჩი“ პროგრამებმა მომცა ის უნარები, ცოდნა და გამოცდილება, რაც პროგრესულად მოაზროვნე, განვითარებაზე ორიენტირებულ ახალგაზრდას ესაჭიროება, ამიტომ ახლა ვცდილობ, ეს ყველაფერი ჩემი ქვეყნის კეთილდღეობას მოვახმარო.
ავტორი: თათია გოჩაძე
მასალის გამოყენების პირობები
