საბერძნეთი – ვინც საბერძნეთს სტუმრობთ, შეგიძლიათ ყველაზე გრანდიოზულ დღესასწაულს დაესწროთ
მათ, ვინც ახლა საბერძნეთს სტუმრობთ, შეგიძლიათ წელიწადის ყველაზე გრანდიოზულ დღესასწაულს დაესწროთ.
“აპოკრიეს” – ასეთი სახელწოდებით გრანდიოზული კარნავალი მთელი საბერძნეთის მასშტაბით, თებერვლის ბოლოდან დაიწყო და კვირის ბოლო დღეებში პიკს მიაღწევს – სახალხო მსვლელობად იქცევა.
“აპოკრია” ბერძნულიიდან თარგმანში ნიშნავს ხორცისგან თავის შეკავებას და ის მარხვამდე სამი კვირით ადრე იწყება. თვითონ სიტყვა Carnival ლათინური შესატყვისით (carnem levare) ხორცისგან თავის შეკავებას ნიშნავს.
ზოგადად კარნავალის ფენომენი საბერძნეთში ჯერ კიდევ მითოლოგიური დიონისესგან (ნაყოფიერების, ღვინისა და გართობის ღმერთი ბერძნულ მითოლოგიაში) იღებს საწყისს და ის ეტლების აღლუმით იწყებოდა, რომელთაც ნიღბებში გამოწყობილი მომღერლები და მოცეკვავეები მოჰყვებოდნენ უკან.
ეს ტრადიცია დღემდე აქტუალურია საბერძნეთში და საკმაოდ შთამბეჭდავი სანახაობაა.
განსაკუთრებული გრანდიოზულობით გამოირჩევა ის რამდენიმე ქალაქში – ადგილობრივი ტრადიციების სინთეზით შერწყმული.
ქალაქ ნაუსაში კარნავალი ცნობილია საუცხოო ნიღბებითა და ძველი ტრადიციული სამოსით, ნიღბის ფერები თეთრი და წითელია, სიმბოლური მინიშნება სიკვდილსა და აღდგომაზე, თვდაყირა ულვაშით, რომელსაც სურს წარმოაჩინოს ადგილობრივების დაუოკებელი სული.
ამ ტრადიციული კოსტუმების უმეტესობა, ჩვენს “ბერიკაობასაც” კი მოგაგონებთ.
ცნობილია ქალაქ ქსანთის კარნავალი, აქ მდინარის ხიდთან კარნავალის ბოლო კვირას უზარმაზარ კოცონში იწვის ადამიანის ფიგურა, რითიც სიმბოლიზდება ყოველივე ბოროტის და წყევლის თავიდან აცილება.
ყველაზე მეტად კანტორაში ორსაუკუნოვანმა საკარნავალო ტრადიციამ მომხიბლა: ხის ჯოხზე ძაფით დაკიდებული მოხარშული კვერცხის დაჭერა, რომელიც მარხვის დაწყების მანიშნებელ ტრადიციად იქცა ამ ქალაქში: “კვერცხით იკეტება პირი მარხვისთვის და კვერცხითვე ხსნილდება აღდგომის ღამეს”.
დაბოლოს პატრა, რომლის კარნავალს ბადალი არ ჰყავს მთელს საბერძნეთში, თავისი მრავალრიცხოვნობით და ცეცხლოვანი რითმებით, საოცარი ფერადი კოსტუმებითა და ნიღბებით.
“აპოკრიეს” კარნავალის შესახებ დაუსრულებლად შეიძლება საუბარი, თუნდაც იმიტომ, რომ მისი მრავალფეროვნება სხვადასხვა ქალაქებისა და რეგიონების ადგილობრივი ტრადიციებიდან გამომდინარე მრავალფეროვანია.
და თუ თქვენ ამჟამად იმყოფებით საბერძნეთში, კვირის ჩათვლით, არ გამოტოვოთ ეს საუცხოო სანახაობა!
წყარო: ქართულ-ბერძნული, კულტურულ-საგანმანათლებლო ცენტრი “პეგასი-მერანი”.
#პეგასიმერანი
#drpkhakadze
#gochadze
#sheniemigranti
#drpkhakadze #gochadze #sheniemigranti
ფოტო: K / Pexels
