ქართულ-ფრანგული მედიაჰოლდინგ《შენი პულსი》-ს რედაქტორმა თათია გოჩაძემ და ქართულ-იტალიური ასოციაცია《თამარიონი》-ს დამფუძნებლებმა, თამარ დვალმა ნაყოფიერი და საინტერესო შეხვედრის შედეგად ერთობლივი თანამშრომლობის შეთანხმება დადეს.
მედიაჰოლდინგი 《შენი პულსი》10 მიმართულებით წერს და ერთ-ერთი მათგანი არის ემიგრანტების თემატიკა. Sheniemigranti.geარის აპოლიტიკური პლატფორმა, რომელიც სრულად მორგებულია ემიგრანტების საჭიროებებსა თუ სარგებელზე.
იმისათვის, რომ მსოფლიოს სხვადასხვა ქვეყანაში მცხოვრებმა ემიგრანტებმა მიიღონ სრულფასოვანი ონფორმაცია ნებისმიერ მათთვის საჭირო საკითხზე, მნიშვნელოვანია, სხვადასხვა ქვეყანაში მოქმედი ორგანიზაციებისა თუ ასოციაციების მიერ ჩვენთვის ინფორმაციის გაზიარება.
მადლობას ვუხდით 《თამარიონი》-ს, რომლის წარმომადგენელიც მზად არის, უწყვეტ რეჟიმში მოგვაწოდოს ინფორმაცია იტალიაში მცხოვრები ქართველი ემიგრანტების ყველა საჭირო თუ საინტერესო საკითხზე.
“ქალაქ რომში არსებული ასოციაცია “თამარიონი” მზად არის, დაეხმაროს ქართველ ემიგრანტებს იტალიურ საზოგადოებაში ინტეგრაციის საკითხებში. ჩვენი ასოციაციის საქმიანობა ითვალისწინებს ქართველი ემიგრანტებისთვის კონსულტაციის გაწევას ადმინისტრაციულ-იურიდიული კუთხით.
“თამარიონი” ზრუნავს ემიგრანტთა დაბინავებასა და დასაქმებაზე, რაც შეღავათიან ფასებში საცხოვრებლის მოძებნასა და სამუშაო ადგილების პოვნას გულისხმობს. შექმნის დღიდანვე ასოციაციის მთავარი მიზანი ქართველი ხალხის იტალიური გზის გამარტივებაა! დამატებითი ინფორმაციისთვის და სერვისებისთვის შეგიძლიათ დაგვიკავშირდეთ”- წერს ასოციაცია საკუთარ facebook გვერდზე…
იმედი გვაქვს, ჩვენი ერთობლივი თანამშრომლობა ნაყოფიერი იქნება და გახდება გზამკვლევი იტალიაში მცხოვრები ქართველი ემიგრანტებისთვის.
ჩვენ ბევრ საინტერესო სიახლეს გპირდებით!
#თამარიონი
#drpkhakadze
#gochadze
#sheniemigranti
QR კოდი
სტატიის ციტირება
შენი ემიგრანტი. (2025). მედიაჰოლდინგ《შენი პულსის》და ქართულ-იტალიური ასოციაცია《თამარიონის》ერთობლივი შეთანხმება – ბევრ სიახლეს გპირდებით!. 12 ივლისი, 2025. https://sheniemigranti.ge/tamarioni/
ფოტო: Davide Comunian / Pexels
