საზოგადოებრივი ჯანდაცვის მედიაჰოლდინგ “შენის” მორიგი წარმატება – პროფესორი გიორგი ფხაკაძე სიახლით ჟენევიდან
საზოგადოებრივი ჯანდაცვის მედიაჰოლდინგ “შენის” მორიგი წარმატება – პროფესორი გიორგი ფხაკაძე სიახლით ჟენევიდან
ჯანდაცვის საერთაშორისო ექსპერტ გიორგი ფხაკაძის მიერ დაფუძნებული საქართველოში ერთადერთი საზოგადოებრივი ჯანდაცვის მედიაჰოლდინგი “შენი” უკვე ინგლისურ ენოვანი საზოგადოებისთვისაც არის ხელმისაწვდომი.
ჯერ სრული ერთი წელიც არ გასულა დაფუძნებიდან და მედიაჰოლდინგმა უკვე არაერთ დიდ წარმატებას მიაღწია – 12 ვებგვერდიდან ყველაზე მნიშვნელოვანი პლატფორმაა “შენი ექიმი”, რომელიც საქართველოსა და მსოფლიო ჯანდაცვის მნიშვნელოვან საკითხებს აშუქებს.
პროფესორ გიორგი ფხაკაძის კომპეტენცია და მოტივირებული სარედაქციო გუნდი ქმნის მკითხველისთვის საჭირო და საინტერესო ინფორმაციას ახლა უკვე არამხოლოდ ქართულ, არამედ ინგლისურ ენაზეც.
მედიაჰოლდინგის თორმეტივე ვებგვერდზე განთავსებული ონლაინ მედიაკონტენტი ავტომატურად ქვეყნდება სოციალური ქსელის 15-ზე მეტ პლატოფრმაზე.
მხოლოდ Facebook-ზე მთელი ჰოლდინგის ყოველთვიური ე.წ ნახვების რაოდენობა 90 დღეში 8 მილიონს აღწევს.
მედიაჰოლდინგის უდიდესი პერსპექტივისა და განვითარების მანიშნებელია მისი რეიტინგიც – ვებგვერდების ვიზიტორების რეოდენობა.
ჩვენი ვებგვერდებია:
გთავაზობთ მედიაჰოლდინგის დამფუძნებლის, გიორგი ფხაკაძის კომენტარს:
ძალიან სასიხარულო ამბავი გვაქვს – მედიაჰოლდინგში “შენი”.
ჩვენი ვებგვერდები sheniekimi.ge და sheniambebi.ge უკვე ინგლისურ ენაზეც არის ხელმისაწვდომი, რადგანაც გვსურს, უფრო მეტ ადამიანს მივაწოდოთ ინფორმაცია – ჩვენს მოქალაქეებს, რომლებიც ცხოვრობენ ჩვენი ქვეყნის სხვადასხვა გეოგრაფიულ არეალში და არ აქვთ წვდომა საქართველოში მიმდინარე მოვლენებზე.
საინფორმაციო სივრცე საქართველოში მხოლოდ ქართულენოვანია და სხვა ენაზე ინფორმაცია არ მიეწოდება ხალხს.
ჩვენი დიასპორა ძალიან დიდია და სამწუხაროა, რომ მისი ნაწილი კარგად ვერ ფლობს მშობლიურ ენას. ამიტომ გადავწყვიტეთ, ჩვენი ინფორმაცია იყოს ყველასათვის, ყველა ქართველისთვის ხელმისაწვდომი. არ აქვს მნიშვნელობა, როდის წავიდნენ საქართველოდან, რამდენი ხანია, საზღვარგარეთ არიან ან იციან ქართული ენა თუ – არა.
აბსოლუტურად ყველა ჩვენს მოქალაქეს უნდა ჰქონდეს ინფორმაცია, თუ რა ხდება საქართველოში.
ეს, რა თქმა უნდა, რთული პროცესი იყო, ამაზე ძალიან ბევრი რესურსი და დრო დაიხარჯა, მაგრამ დღეს ჩვენი საზოგადოებრივი ჯანდაცვის მედიაჰოლდინგი არის პირველი საქართველოში, რომელმაც შეძლო ამის გაკეთება.
გვჯერა, რომ ამ გზით ჩვენ გავერთიანდებით და უფრო მეტ საერთო ენას ვიპოვით სხვადასხვა ქვეყანაში მცხოვრებ ადამიანებთან”
ფოტო: Lexa Shep / Pexels
