თუკი შუა ზამთარში არქტიკულ ჩრდილოეთში გამგზავრებაზე ერთხელ მაინც გიფიქრიათ, თქვენ ერთადერთი არ ხართ! წარმოუდგენელია, არ გიზიდავდეს ადგილი, სადაც შეგიძლია, ესტუმრო სანტა-კლაუსის სოფელს და დაბრუნდე ბავშვობაში, ეზიარო პოლარული ღამის სილამაზეს, დააგროვო ჯადოსნური მოგონებები და ზამთრის შვებულება სრულყოფილად გაატარო.
ლაპლანდიაში ერთკვირიანი მოგზაურობა ნამდვილად დაუვიწყარია – არქტიკული სამოთხე სავსეა ხელუხლებელი პეიზაჟებით, უნიკალური ზამთრის აქტივობებითა და ცოცხალი კულტურული შეთავაზებებით.
ლაპლანდია – ბუნების, თავგადასავლისა და ზამთდის სიკეთეების უნიკალური ნაზავი!
– ჩრდილოეთის ციალის მომხიბლავი ნათება
– ჰასკების მარხილით სრიალი
– ცხოვრება იგლუში და აბორიგენების გამოცდილებების გაზიარება
– დათოვლილი, ულამაზესი პეიზაჟები
– ყინულზე ცოცვის ტრადიციის გაზიარება
– ეწვიეთ ნამდვილ ფინურ საუნას
– და რაც მთავარია, სანტა კლაუსის სოფელსა და ზღაპრულ სამყაროში მოგზაურობა
ალბათ, იცით, რომ სანტა კლაუსის მშობლიური ქალაქი როვანიემია, უმშვენიერესი ადგილი, რომელსაც არქტიკული წრის კარიბჭესაც უწოდებენ, რადგან აქ ჩრდილოეთის ციალის სანახავად ნამდვილად იდეალური შესაძლებლობაა!
სანტა კლაუსის სოფელი ქალაქის ჩრდილოეთით, ცენტრიდან დაახლოებით 8 კილომეტრში მდებარეობს და ის ყოველდღე ღიაა სტუმრების მისაღებად. დიახ, აქ ყველაფერია იმისთვის, რომ შეიგრძნოთ შობის ჯადოქრობა, შეხვდეთ სანტას და მის ელფებს, გაუზიაროთ თქვენი სურვილები, გადაიღოთ სამახსოვრო ფოტოები, შეიძინოთ სუვენირები საყვარელი ადამიანებისთვის და გაუგზავნოთ მათ ღია ბარათი სანტა კლაუსის მთავარი საფოსტო ოფისიდან!
აბა, მზად ხართ ბავშვობის ოცნების ასასრულებლად? სანტას სოფელში თქვენ და თქვენს შვილებს მოუთმენლად გელიან და გიმზადებენ საუკეთესო შეგრძნებებს, რომლებიც არასოდეს დაგავიწყდებათ!
ფოტო: Mitchell Henderson / Pexels
#drpkhakadze