საბერძნეთის მთავრობა განიხილავს საკითხს, რომელიც ეხება მესამე ქვეყნის მოქალაქეების ჩაყვანას და მათ დასაქმებას როგორც სოფლის მეურნეობის, ასევე, ტურიზმის სფეროში, ცხადია, ლეგალურად.
აღნიშნული სახის შეთანხმება მოსალოდნელია, რომ გაფორმდეს 6 ქვეყანასთან, რომელთაგან პირველი ინდოეთი იქნება და ხელშეკრულებას ხელი, სავარაუდოდ, მარტში მოეწერება.
როგორც მედია იუწყება, შემდეგ ეტაპზე პარლამენტი განიხილავს შეთანხმებებს შემდეგ ქვეყნებთანაც: საქართველო, ფილიპინები, ვიეტნამი, მოლდოვა და სომხეთი. საუბარია 40.000 სამუშაო ადგილზე, რომლებიც გამოინახება იმისთვის, რომ სწორედ ამ ქვეყნის მოქალაქეები მოიწვიოს დამსაქმებელმა და ლეგალურად დასაქმდნენ.
აღნიშნული ხელშეკრულებების გაფორმება მოხდება მუშახელის დეფიციტის შემცირების მიზნით, ვინაიდან როგორც სასოფლო-სამეურნეო, ასევე, ტურიზმის სექტორში, განსაკუთრებით, ტურისტულ სეზონზე, მუშახელის სერიოზული დეფიციტია, ფიზიკურად არ არსებობენ ამ სამსახურებით დაინტერესებული ადამიანები.
#drpkhakadze #gochadze #sheniemigranti
QR კოდი
სტატიის ციტირება
შენი ემიგრანტი. (2025). საბერძნეთი საქართველოსა და სხვა ქვეყნებთან ხელშეკრულების დადებას აპირებს მათი მოქალაქეების ლეგალურად სამუშაოდ ჩასაყვანად. 25 ივლისი, 2025. https://sheniemigranti.ge/saberdzneti/
