საბერძნეთი – რა მოხდება, თუკი დაარღვევთ დაშვებულ 90 დღიან პერიოდს

საბერძნეთი – რა მოხდება, თუკი დაარღვევთ დაშვებულ 90 დღიან პერიოდს

90 დღიანი ყოფნის ვადის გადაცილების შემთხვევაში, საბერძნეთის რესპუბლიკის ტერიტორიაზე
ყოფნა ჩაითვლება არალეგალურად.
ამასთან, 90 დღიანი ყოფნის პერიოდის ვადის გადაცილებისას 30 კალენდარულ დღეზე
ნაკლები პერიოდით საბერძნეთის რესპუბლიკის საზღვრის დატოვებისას დაგეკისრებათ
ადმინისტრაციული ჯარიმა 600 ევროს ოდენობით. ხოლო, 30 კალენდარულ დღეზე მეტით
დარღვევის შემთხვევაში ჯარიმის მოცულობა გაირზდება 1200 ევრომდე. ჯარიმის გადახდის
შეუძლებლობების შემთხვევაში, საქართველოს მოქალაქეს უნარჩუნდება ქვეყნის დატოვებისა და
სამშობლოში დაბრუნების უფლება, თუმცა დარღვევის შესახებ ინფორმაცია ინახება სპეციალურ
ელექტრონულ სისტემაში 4 წლის ვადით. ჯარიმის გადაუხდელობის შემთხვევაში საქართველოს
მოქალაქე ვერ იმგზავრებს საბერძნეთის რესპუბლიკაში ჯარიმის დაკისრებიდან 4 წლის
განმავავლობაში. 4 წლის ვადის გასვლის შემდეგ დაკისრებული ჯარიმა ავტომატურად უქმდება
და დარღვევის შესახებ ინფორმაცია იშლება ზემოთ ხსენებული სპეციალური ელექტრონული
სისტემიდან. აღსანიშნავია, რომ ჯარიმის დაკისრება არ ხდება არასრულწლოვან მოქალაქეებზე,
საბერძნეთის მოქალაქის ოჯახის წევრებზე და ბერძნული წარმომავლობის მქონე პირებზე.
ამასთან, იმ შემთხვევაში თუკი 90 დღიანი პერიოდის დარღვევა მოხდა/ხდება თქვენგან
დამოუკიდებელი, ობიეტური მიზეზების გამო (მაგ. ჯანმთელობის მდგომარეობის გაუარესება,
გადადებული ავიარეისი, და ა.შ.) საჭიროა შესაბამისი მიზეზების არსებობის დამადასტურებელი დოკუმენტაციის წარდგენა საბერძნეთის რესპუბლიკის სასაზღვრო სამსახურისთვის, რათა
არ მოხდეს ჯარიმის გამოწერა. ხოლო, იმ შემთხვევაში, თუკი თქვენს მიერ წარდგენილი
დოკუმენტაცია არ იყო გათვალისწინებული და ჯარიმის გამოწერა მაინც მოხდა, მისი გასაჩივრება
შესაძლებელია 5 დღის ვადაში.

გზამკვლევის ავტორი იურისტი, ადვოკატი რევაზ კიკნაძე

წყარო: ქართულ-ბერძნული, კულტურულ-საგანმანათლებლო ცენტრი “პეგასი-მერანი”.

რეკლამა

#პეგასიმერანი
#drpkhakadze
#gochadze
#sheniemigranti