მას შემდეგ, რაც საბერძნეთში 5078/2023 კანონის 139-ე მუხლი ამოქმედდა და პლატფორმა გაიხსნა მათთვის, ვინც საბერძნეთში მინიმუმ 3 წელია იმყოფება და აქვს სამსახური, რომელშიც დასაქმდება, შევიდა 5.000-მდე მოთხოვნა.
როგორც ბერძნული მედია იუწყება, 5 000 განმცხადებლიდან 828-მ უკვე მიიღო ე.წ. “ლურჯი ცნობა” იგივე “ვევეოსი”, რომლითაც უკვე ლეგალია საბერძნეთში, შეუძლია სამშობლოში მოგზაურობა და ოფიციალურად მუშაობა. უნდა აღინიშნოს, რომ მას შემდეგ, რაც კანონი ამოქმედდა, პლატფორმას ინფორმაციის მისაღებად ეწვია 10 000-ზე მეტი დაინტერესებული პირი.
მიგრაციისა და თავშესაფრის მინისტრმა, დიმიტრის კერიდიმ განაცხადა, რომ საბერძნეთმა ამ გზით საშუალება მისცა არალეგალ ემიგრანტებს, რომ იმუშაონ ოფიციალურად და შეავსონ ის დეფიტიცი, რაც ქვეყანაში შრომის ბაზარზე ფიქსირდება.
კანონი მოქმედია 2024 წლის 31 დეკემბრამდე, რაც ნიშნავს, რომ შეგიძლიათ განაცხადი გააკეთოთ, თუ ჯერ არ გაქვთ 3 წელი საბერძნეთში, მაგრამ გისრულდებათ 31 დეკემბრამდე.
