საშობაო პერიოდში ბავშვებთან ერთად მოგზაურობა განსაკუთრებულ მნიშვნელობას იძენს, როდესაც პატარები ზღაპრულ სამყაროში მოხვედრაზე ოცნებობენ და სანტა კლაუსის ნახვას ნატრობენ. მოდით, გაგაცნობთ საუკეთესო მიმართულებებს, სადაც შობის ნამდვილი სულისკვეთება და ბავშვებისთვის დაუვიწყარი თავგადასავლები გელოდებათ.
პარიზი, საფრანგეთი
დისნეილენდი საშობაო პერიოდში განსაკუთრებულ ჯადოსნურ სამყაროდ გარდაიქმნება, სადაც ზამთრის ზღაპარი რეალობად იქცევა. უზარმაზარი, 24-მეტრიანი საშობაო ნაძვის ხე ცენტრალურ მოედანზე ათასობით სხვადასხვაფერი ნათურით ციმციმებს, ხოლო მიკი მაუსი და მისი მეგობრები საშობაო კოსტიუმებში მასპინძლობენ სტუმრებს. ყოველ საღამოს იმართება განსაცვიფრებელი Disney Dreams® of Christmas შოუ, სადაც საშობაო მუსიკის ფონზე ცაში პროექციები და ფეიერვერკები ქმნიან უნიკალურ სანახაობას, ხოლო “ჯადოსნური სასახლე” თოვლის ფიფქებითაა მოფენილი. პარკის ყველა კუთხეში ისმის საყვარელი საშობაო მელოდიები, იგრძნობა ცხელი შოკოლადისა და ნამცხვრების სურნელი, ხოლო დისნეის გმირებთან ერთად გადაღებული ფოტოები ოჯახურ ალბომში განსაკუთრებულ ადგილს იკავებს.
პარიზი გთავაზობთ უნიკალურ საშობაო გამოცდილებებს თავისი დისნეილენდით და დისნსიის ზამთრის ქვეყნით, სადაც სანტა კლაუსთან ერთად ბავშვები შეხვდებიან დისნეის გმირებს და მონაწილეობას მიიღებენ სხვადასხვა თამაშებსა და შოუებში.
ფოტო: Marta Wave / Pexels
