“მოგზაურთა კლუბში” თამარ წიკლაური ანტონიო ბანდერასთან შეხვედრის საინტერესო ისტორიას ყვება.
“მოკლედ ესე იყო: ვარ მალაგაში და აეროპორტში წასვლამდე 8 საათით ადრე მე და ჩემმა მეუღლემ გადავწყვიტეთ ქალაქში ბოდიალი. გავუარეთ ერთერთი რესტორნის ეგრეთწოდებულ ტერასას და ჩემი მეუღლე მშვიდად მეუბნება:
-ნახე ეს ის არ არის?
-ვინ კაცო?
-ის… შევხედე და ვერ ვიცანი.
-ბანდერასი კაცო, მეუბნება.
რას მომითმენდა გული, მივედი და ვეუბნები. გამარჯობა, არ ვარ ესპანელი, დღეს მივფრინავ და იმიტომ მივეცი თავს უფლება რომ გამოგელაპარაკეთ. ქართველი ვარ და შეიძლება სურათი გადავიღო თქვენთან?
გაიღიმა და მეუბნება:ოოოო, ქართველებთან სურათის გადაღებაში ორმაგ თანხას ვიღებო.
დაუკითხავად მივუჯექი და ვუთხარი: ჩემო კარგო, თოფურიამ ისეთი რამ გაუკეთა ესპანეთს, აქეთ გეკუთვნის გადახდა რომ ქართველთან სურათს იღებ-მეთქი.
ააა, მართალი ხარო და ესეც სურათი:
ფოტო: Alex / Pexels
