📍🇩🇴 რატომ პუნტა კანა?
● ულამაზესი კარიბის სანაპირო.
● მისაღები ფასები.
● შეგრძნება, რომ ხარ სამოთხეში.
● ძალიან მეგობრული ადგილობრივი. მაცხოვრებლები.
● განვითარებული ინფრასტრუქტურა.
🏰 რომელი სამი ღირსშესანიშნაობა უნდა მოინახულოთ აქ აუცილებლად?
1️⃣ მაკაოს სანაპირო (Playa Macao) – პუნტა კანას ერთ-ერთი ულამაზესი საზოგადოებრივი პლაჟი.
2️⃣ კოკობონგო (Cocobongo) – კლუბი, რომელშიც საოცარი შოუები იმართება ყოველ საღამოს. შეიძლება გახსოვდეთ ფილმი “ნიღაბი” – სადაც კამერონ დიასი სწორედ კოკობონგოში ცეკვავდა.
3️⃣ Indigenous Eyes Ecological Reserve
Reserva Ecológica Ojos Indígenas – ულამაზესი სენოტე – ანუ კლდის ტბა, რომლის წყალსაც აქვს საოცარი ფირუზისფერი შეფერილობა.
✈️ როგორ მოხვდეთ აქ საქართველოდან ყველაზე ბიუჯეტურ ფასად?
Wizz Air-ით ბრიუსელში და შემდეგ TUI fly-ით პირდაპირ პუნტა კანაში. ერთი გზის მიმართულება 250-300 ევროს ფარგლებში.
🏠სად შეიძლება დარჩეთ აქ ბიუჯეტრად?
ყველაზე მოხერხებული და სასიამოვნო ადგილი პუნტა კანაში ლოს კორალეს (Los Corales). ეს არის ერთადერთი უბანი, რომელიც არის პირდაპირ სანაპიროსთან. აქ არის რესტორნები, ბარები, სუპერმარკეტები და აფთიაქები. ერთი სიტყვით, ყველაფერი – რაც კი შეიძლება დაგჭირდეთ. მე ვცხოვრობდი აპარტჰოტელ Boxy Villa Apartment-ში, სადაც 2-ოთახიანი ბინა, საკუთარი სამზარეულოთი ღირდა დაახლოებით 30 დოლარი.
🍗 რომელი კერძი უნდა დააგემოვნოთ აქ აუცილებლად?
გასინჯეთ დომენიკანის ნაციონალური კერძი: ჩაშუშული ძროხის ან ღორის ხორცი, ბრინჯი და ლობიო.
🛂 გვჭირდება თუ არა საქართველოს მოქალაქეებს ვიზა აქ მოსახვედრად?
საქართველოს მოქალაქეებს დომენიკის რესპუბლიკაში სამოგზაუროდ ვიზა არ სჭირდებათ. უვიზოდ შესაძლებელია 30 დღე დარჩენა, თუმცა ამ ვადის გადაცილების შემთხვევაში, უბრალოდ, მოგიწევთ პირდაპირ აეროპორტში 2500 დომენიკური პესოს ოდენობის გადასახადის გადახდა, რაც დაახლოებით 40 ევროს უდრის.
💉საჭიროა თუ არა რაიმე ტიპის ვაქცინა ან სამოგზაურო დაზღვევა?
დომენიკის რესპუბლიკაში სამოგზაუროდ სავალდებულოა, რომ ჩატარებული გქონდეთ კოვიდის აცრა. სამოგზაურო დაზღვევა არ არის სავალდებულო. სამედიცინო მომსახურება არის საკმაოდ მაღალი დონის და ასევე ძალიან ხელმისაწვდომი.
ავტორის შესახებ:
უკვე თითქმის 8 წელია, რაც არსად აღარ ვცხოვრობ, უფრო სწორად კი მთელი მსოფლიო ვაქციე ჩემს სახლად🌍🏠
2016 წელს მივიღე გადაწყვეტილება და ავირჩიე ნომადური ცხოვრების სტილი. სხვადასხვა ქვეყანაში ცხოვრების გამოცდილება ადრეც მქონდა – მიცხოვრია მსოფლიოს 5️⃣ ქვეყანაში, თუმცა მას შემდეგ, რაც ციფრული ნომადი გავხდი, თითოეულ ქვეყანაში, როგორც წესი, 2 კვირიდან 4 თვემდე ვატარებ.
რამდენიმე საინტერესო ფაქტი ჩემს შესახებ: მაქვს 4️⃣ უმაღლესი განათლება და ჯეროვნად ვფლობ 🔟 ენას. ვარ ნამყოფი 6️⃣5️⃣ ქვეყანაში და 6️⃣ კონტინენტზე.
მადლობა ყველას, ვინც უკვე დამაფოლოვეთ ფეისბუქზე ❤️ #iraklininua
მასალის გამოყენების პირობები
