ოსკარის დაჯილდოება – „ოპენჰაიმერი“ – კინოაკადემიამ საუკეთესო ფილმად აღიარა
ამერიკის კინოაკადემიის პრემია „ოსკარი“ 7 ნომინაციაში მოიპოვა ფილმმა „ოპენჰაიმერი“. ამერიკელ ფიზიკოსზე, რობერტ ოპენჰაიმერზე გადაღებული დრამა კინოაკადემიამ საუკეთესო ფილმად აღიარა, მისი რეჟისორი კრისტოფერ ნოლანი კი – საუკეთესო რეჟისორად.
ფილმი სულ 13 ნომინაციაზე იყო წარდგენილი.
რობერტ ოპენჰაიმერის როლის შემსრულებელმა კილიან მერფიმ „ოსკარი“ მიიღო, როგორც საუკეთესო მსახიობმა მამაკაცმა. ამერიკელი ფიზიკოსი რობერტ ოპენჰაიმერი მეორე მსოფლიო ომის დროს ხელმძღვანელობდა „მანჰეტენის პროექტს“ – ატომური ბომბის პირველი ნიმუშების შექმნას, რის გამოც ხშირად „ატომური ბომბის მამად“ მოიხსენიებენ.
„ოპენჰაიმერში“ ატომური ენერგიის კომისიის ხელმძღვანელ ლუის შტრაუსის როლისთვის „ოსკარი“ მიიღო უმცროსმა რობერტ დაუნიმაც. მან მამაკაცის მეორე პლანის როლის საუკეთესო შემსრულებლის ნომინაციაში გაიმარჯვა.
„ოპენჰაიმერმა“ გაიმარჯვა ოპერატორის საუკეთესო ნამუშევრის, საუკეთესო მონტაჟის და საუკეთესო საუნდტრეკის ნომინაციებშიც.
QR კოდი
სტატიის ციტირება
შენი ემიგრანტი. (2025). ოსკარის დაჯილდოება – „ოპენჰაიმერი“ – კინოაკადემიამ საუკეთესო ფილმად აღიარა. 15 ივლისი, 2025. https://sheniemigranti.ge/oskaris-dajildoeba-openhaimeri-kinoakademiam-sauketeso/
