სავარაუდოდ, ერთხელ მაინც გიოცნებიათ მოხვედრილივით ისეთ ფილმებში დახატულ ადგილებზე, როგორიცაა „მკვდარი პოეტების საზოგადოება“, „ჰარი პოტერი“ ან „დარჩენილები“.
ფილმების სცენარში ასახული სკოლა-ინტერნატები ნამდვილად საინტერესოა ყველა ბავშვისთვის. იმის წარმოდგენა, რომ ასეთ ადგილზე საუკეთესო მეგობრებთან ერთად უნდა იცხოვრო, ადამიანში, განსაკუთრებით კი ბავშვებში, განსახვავებულ და განსაკუთრებულ ემოციებს იწვევს.
ფილმებში გამოგონილი სკოლა-ინტერნატების რეალობაში გადმოტანის რადმენიმე მცდელობა არსებობს. ქვემოთ წარმოგიდგენთ მსოფლიოს 8 გასაოცარ სკოლა-ინტერნატს:
1. ტასისი (მონტანიოლა, შვეიცარია)
ამერიკული სკოლა შვეიცარიაში, იგივე ტასისი, დაარსდა 1956 წელს. აღნიშნული პანსიონატი, ყოველდღიური სკოლა შეიქმნა ორივე სქესის ახალგაზრდებისთვის. სკოლა-ინტერნატი მდებარეობს კოლინა დოროზე (ოქროს გორაზე) და გადაჰყურებს ლუგანოს ტბას.
2. სასწავლებელი როზენბერგზე (სანქტ-გალენი, შვეიცარია)
ძველისა და ახალის ნაზავი, სადაც შეგიძლიათ აღმოაჩინოთ, როგორც არტ ნუვოს ვილები, ასევე როზენბერგის კოსმოსური საცხოვრებელი (3D პრინტერის სტრუქტურა, რომელიც შექმნილია კოსმოსში ორი ადამიანის განსათავსებლად) და ასევე სასწავლო პავილიონი „ვიტრას“ ავეჯის კონცეფციით. „როზენბერგში პატივს ვცემთ ჩვენს არქიტექტურულ მემკვიდრეობას, რომელიც თანამედროვე დიზაინთან არის შერწყმული და ქმნის გამორჩეული საგანმანათლებლო გარემოს, რაც ახალგაზრდებს კრეატიულობისა და წარმოსახვის მოტივაციას აძლევს“, – აღნიშნა საბჭოს პრეზიდენტმა, ბერნჰარდ გედმანმა. „ეს შერწყმა ქმნის უნიკალურ სწავლისა და ცხოვრებისეულ გამოცდილებას, რომელიც ამაღლებს ისტორიის განცდას და ადამიანის ინოვაციების დაფასებას, უახლესი ტექნოლოგიების წარმოჩენით“.
3. ეტონის კოლეჯი (ეტონი, ბერკშირი)
ეტონის კოლეჯი ჰენრი VI-მ 1440 წელს დაარსა, რომელიც ცნობილია თავისი კურსდამთავრებულებით, იგივე ძველი ეტონელებით: 19 პრემიერ მინისტრი, მსახიობები და მათ შორის, თავად პრინცი უილიამი და ჰარი. სკოლას აქვს 500-ზე მეტი შენობა, სადაც გვხვდება არქიტექტურის ისეთი სტილები, როგორიცაა ნეოკლასიკური და ტუდორი.
4. სუბიაკოს აკადემია (სუბიაკო, არკანზასი)
ვაჟთა სკოლა-ინტერნატი, სუბიაკოს აკადემია, დაარსდა 1928 წელს, სადაც სწავლობენ 7-12 კლასის მოსწავლეები. სკოლა სუბიაკოს სააბატოს ნაწილია, ბენედიქტელთა მონასტერი, სადაც წარმოდგენილია შესანიშნავი კლუატრები.
5. ემა უილარდის სკოლა (ტროა, ნიუ-იორკი)
ემა უილარდის გოგონათა (9-12 კლასების) სკოლა-ინტერნატი მდებარეობს ტროაში, ნიუ-იორკში, რომელიც დააარსა ემა უილარდმა, განათლების აქტივისტმა ქალმა. კამპუსის სამი შენობისთვის გოთიკური სტილია დამახასიათებელი, რომელიც აკრავს სკოლის მშვენიერ ეზოს.
6. წმინდა ენდრიუს სკოლა (მიდლთაუნი, დელავერი)
ამერიკის შეერთებულ შტატებში მხოლოდ სამი სკოლაა, სადაც ყველა სტუდენტს შეუძლია ისწავლოს და, ალბათ, მათ შორის ყველაზე ცნობადი წმინდა ენდრიუს სკოლაა მიდლთაუნში, დელავერის შტატში. იდილიური კამპუსი, რომელიც მოიცავს 2200 ჰექტარს, ცნობილია, როგორც Welton Academy, ფილმში „მკვდარი პოეტის საზოგადოება“.
7. რომის წმინდა სტეფანეს სკოლა (რომი, იტალია)
წმინდა სტეფანეს სკოლა მდებარეობს რომის ცენტრში. ამერიკული სკოლის დამფუძნებლებმა სკოლის დაარსება გადაწყვიტეს „მარადიულ ქალაქში“, რადგან ის არის „დასავლეთის ეთიკური, კულტურული და რელიგიური მუდმივი ფასეულობების სიმბოლო და საცავი“ და „თანამედროვე სამყაროს ერთ-ერთი ყველაზე კოსმოპოლიტური საერთაშორისო გზაჯვარედინი“. სკოლა მდებარეობს ავენტინის გორაზე, შვიდი ბორცვიდან ერთ-ერთზე, რომელზედაც აშენდა ძველი რომი.
8. ვუდსტოკის სკოლა (მუსოორი, ინდოეთი)
ჰიმალაის მთისწინეთში მდებარეობს აზიის უძველესი საერთაშორისო სკოლა-ინტერნატი, ვუდსტოკის სკოლა. ერთხელ ნობელისა და პულიცერის პრემიის ლაურეატი, რომანისტი პერლ ბაკი ეწვია, რომელმაც სკოლის 1963 წლის წიგნში დაწერა წინასიტყვაობა: „შეიძლება კარგი იყოს მთების მწვერვალზე და ფრიალო კლდის პირას ცხოვრება – აქედანვე სწავლობ, რომ არ შეგეშინდეთ სიმაღლისა და სიღრმის“.
#drpkhakadze #gochadze #sheniemigranti
