მოლდოვაში, კიშინეუს აეროპორტის უსაფრთხოების სამსახურმა ერთ-ერთ ამანათში პულტით მართვად სათამაშო ავტომობილში დამონტაჟებული ასაფეთქებელი მოწყობილობა აღმოაჩინა.
ადგილზე მობილიზებულმა სპეციალურმა დანაყოფმა ამანათი გააუვნებელყო.
როგორც მოლდოვური მედია იუწყება, ამანათი კიშინეუს აეროპორტში უკრაინიდან გაიგზავნა და ის თბილისის რეისზე უნდა მოხვედრილიყო, თუმცა უსაფრთხოების შემოწმების დროს სამართალდამცველებმა ამანათი საეჭვოდ მიიჩნიეს და გამნაღმველები გამოიძახეს.
აეროპორტში მომხდარ ინციდენტს ადასტურებს მოლდოვის სამართალდამცავი უწყება, თუმცა ოფიციალურ განცხადებაში დაკონკრეტებული არ არის ამანათის წარმომავლობა და საბოლოო დანიშნულების პუნქტი. ფაქტზე დაწყებულია გამოძიება.
QR კოდი
სტატიის ციტირება
შენი ემიგრანტი. (2026). კიშინეუს აეროპორტში, ერთ-ერთ ამანათში ასაფეთქებელი მოწყობილობა აღმოაჩინეს, ვრცელდება ინფორმაცია, რომ ამანათი უკრაინიდან გაიგზავნა და თბილისის რეისზე უნდა მოხვედრილიყო. 8 იანვარი, 2026. https://sheniemigranti.ge/kishineus-aeroportshi-ert-ert-amanatshi-asafetkebeli/
