იცოდით, რომ თურქეთი ტურისტების სიმრავლით, მსოფლიოში რიგით მე-6 ქვეყანაა, ხოლო სტამბოლი რიგით მე-8 ყველაზე მონახულებადი ქალაქი; მიზეზი კი მისი განსაცვიფრებელი მდებარეობა, თვალწარმტაცი ხედები, უნიკალური სამზარეულო და საოცარი სტუმართმოყვარეობაა.
აია სოფია, ლურჯი მეჩეთი, ტოპკაპის სასახლე და გალათას კოშკი – ძველი იმპერიების ქალაქში შემორჩენილი ეს ისტორიული ნაგებობები სტამბოლის მთავარი სიმდიდრეა! დალიეთ თურქული ჩაი ბორანზე და დატკბით ქალაქის ულამაზესი ხედებით.
სტამბული ერთდროულად არის თანამედროვე და უძველესი, კონსერვატიული და თავისუფალი. აქ თქვენ აღმოაჩენთ ძალიან განვითარებულ ღამის ცხოვრებას და პარალელურად, ტრადიციულ რესტორნებს – მთლიანობაში კი ეს არის ქალაქი, რომელიც არასოდეს ჩერდება.
რა უნდა ნახოთ? მოსანახულებელი აქ ნამდვილად ბევრია: სულთან აჰმედის მეჩეთი, ტაქსიმის მოედანი, ბეშიქთაში, აია სოფია, პარკი გიულჰანე, მინიატურების პარკი, ბაზილიკის ცისტერნა, გალათას კოშკი,გრანდ ბაზარი, ჰორას მონასტერი, საკონდიტრო „ჰაფიზ მუსტაფა“ და ა.შ.
ფოტო: Emir Korkut Ünal / Pexels
