ისრაელის პრემიერ-მინისტრის, ბენიამინ ნეთანიაჰუს განცხადებით,ისრაელი წინსწრებით ასრულებს გრაფიკს ირანის წინააღმდეგ ოპერაციაში.
„ჩვენ წინ ვუსწრებთ დადგენილ გრაფიკს როგორც დროის, ისე შედეგების თვალსაზრისით“, – განაცხადა ნეთანიაჰუმ და აღნიშნა, რომ „გამორჩეული სამუშაო შესრულდა“.
როგორც ნეთანიაჰუ განმარტავს, მან ირანის წინააღმდეგ ოპერაციის დაწყება მას შემდეგ გადაწყვიტა, რაც ირანის ყველაზე ძლიერი მარიონეტული ძალა – „ჰეზბოლა“ გასული წლის მიწურულს დაასუსტეს და მკაფიო გახდა, რომ ირანი ბირთვული პოტენციალისკენმიისწრაფოდა.
„ნასრალას (ჰეზბოლას ყოფილი მეთაური) განადგურებამ გატეხა ირანული ღერძი. რა დარჩა მას? ეს ოპერაცია მრავალი თვის განმავლობაში იგეგმებოდა“, – განაცხადა ბენიამინ ნეთანიაჰუმ.
მისივე თქმით, ისრაელმა გაანადგურა ირანის რაკეტგამშვები საცეცხლეების ნახევარზე მეტი.
„ჩვენ ვარტყამთ საცეცხლეებს. მნიშვნელობა არ აქვს, რამდენი რაკეტა დარჩათ. მნიშვნელოვანია, თუ რამდენი რაკეტგამშვებიდანადგარი აქვთ და ვფიქრობ, უკვე გავცდით ნახევარზე მეტს“, – განაცხადა ნეთანიაჰუმ.
ფოტო: Art Guzman / Pexels
