San Fancisco, California
როგორია ქართველი მოგზაურის, ირაკლი ნინუას თვალით დანახული სან ფრანცისკო?
“2024 წლის თებერვალში გავატარე ორი დაუვიწყარი კვირა ამერიკის ერთ-ერთ ყველაზე შთამბეჭდავ ქალაქში – სან ფრანცისკოში.
ეს შეიძლება ჩემს საფრანცისკოში პირველ მოგზაურობადაც კი ჩაითვალოს, რადგან მანამდე აქ მხოლოდ 2 დღით და 1 ღამით ვიყავი ნამყოფი.
სან ფრანცისკოს საგულდაგულოდ დასათვალიერებლად სულ მცირე 5-6 დღეს მაინც გირჩევდით, თუმცა ალბათ მონდომების შემთხვევაში ეს 3 დღეშიც არის შესაძლებელი.
გამორიცხულია, არ მოიხიბლო აქაური არტ-დეკოს სტილში გადაწყვეტილი არქიტექტურით, თუმცა სან ფრანცისკოს მთავარი უცნაურობა ისაა, რომ ქალაქი არის გაშენებული 48 გორაკ-ბორცვზე. ყველაზე ლამაზი ხედები იშლება ტვინ პიკსიდან. (აბა ვის გახსოვთ ეს ფილმი?)
სან ფრანცისკო არის დახუნძლული ტურისტული ღირსშესანიშნაობებით, პარკებით და ბოტანიკური ბაღებით.
როგორც მოგეხსებათ, მე ვარ ცხოველების დიდი მოყვარული, ამიტომაც ჩემთვის სასიამოვნო აღმოჩენა იყო, რომ სან ფრანცისკოს ზოგიეთ უბანში ღამე გარეული ტურები დაძრწიან. რადგან მე ტურა ბუნებრივ გარემოში ნანახი არ მყავდა – ეს საკმაოდ საინტერესო სანახაობა აღმოჩნდა.
სან ფრანცისკო არ არის ბიუჯეტური მიმართულება, თუმცა აქ მოგზაურობა შედარებით იაფი დაგიჯდებათ, ვიდრე, მაგალითად, ნიუ იორკში, ლოს ანჯელესში ან მაიამიში. საქმე იამშია, რომ სან ფრანცისკოში არის უამრავი პატარა სასტუმრო, რომელიც არც თუ ისე მიმზიდველად გამოიყურება, თუმცა კი ცენტრალურად არის განლაგებული და შეიძლება სულ რაღაც 60-65 დოლარი ღირდეს.
ამ ფოტოების მიხედვით შეიძლება იფიქროთ რომ სან ფრანცისკო არის ლამაზი, სუფთა და მოწესრიგებული – თუმცა მთლად ასეც არ არის…
სან ფრანცისკო უკვე მრავალი წლის მანძილზე არის უსახლკაროთა კრიზისის ფაზაში. აქ ათასობით გზააცდენილი ადამიანი ცხოვრობს პირდაპირ ქუჩაში. მათი აბსოლუტური უმეტესობა არის ნარკოდამოკიდებული, რომლებიც ამ დამოკიდებულებამ მიიყვანა უსახლკარობამდე. ე.წ ბომჟებს შორის არიან ასევე სულიერად ავადმყოფებიც. რა თქმა უნდა, რთული საყურებელია ამდენი “კრეკჰედი” ყოველ დღე და მთელი დღე – თუმცა ისინი არ არიან აგრესიულები და მაინცდამაინც არ გირღვევენ პირად სივრცეს.
შეუძლებელი იყო სან-ფრანცისკოს ყველა ფოტოსურათის და ემოციის ერთ პოსტში ჩატევა – ამიტომაც იმ ადგილს რომელმაც ამ ქალაქში ყველაზე მეტად აღმაფრთოვანა შემოგთავაზებთ ჩემს შემდეგ პოსტში.
ავტორის შესახებ:
უკვე თითქმის 8 წელია, რაც არსად აღარ ვცხოვრობ, უფრო სწორად კი მთელი მსოფლიო ვაქციე ჩემს სახლად
2016 წელს მივიღე გადაწყვეტილება და ავირჩიე ნომადური ცხოვრების სტილი. სხვადასხვა ქვეყანაში ცხოვრების გამოცდილება ადრეც მქონდა – მიცხოვრია მსოფლიოს 5⃣ ქვეყანაში, თუმცა მას შემდეგ, რაც ციფრული ნომადი გავხდი, თითოეულ ქვეყანაში, როგორც წესი, 2 კვირიდან 4 თვემდე ვატარებ.
რამდენიმე საინტერესო ფაქტი ჩემს შესახებ: მაქვს 4⃣ უმაღლესი განათლება და ჯეროვნად ვფლობ ენას. ვარ ნამყოფი 6⃣5⃣ ქვეყანაში და 6⃣ კონტინენტზე.
მადლობა ყველას, ვინც უკვე დამაფოლოვეთ ფეისბუქზე
#iraklininua
ფოტო: Nico Kusuma Jaya / Pexels
