იდეალური ადგილი ბალიზე დასვენებისთვის – ირაკლი ნინუას სამოგზაურო გზამკვლევი

სემენიაკი – ბალის გამორჩეული ლოკაცია

გამარჯობა, მე ვარ ირაკლი ნინუა – ქართველი მოგზაური და ციფრული ნომადი. უკვე თითქმის ერთი თვეა, რაც ბალიზე ვცხოვრობ – ინდონეზიის ზღაპრულ კუნძულზე. ამ პოსტში მინდა გაგიზიაროთ ჩემი გამოცდილება.

როგორც წინა პოსტიდან გემახსოვრებათ, ბალიზე ჩამოსვლის მეორე დღეს დავბინავდი ჩანგუში. სამწუხაროდ, ჩანგუ ჩემთვის არ იყო შესაფერისი ადგილი – ეს ლოკაცია ძალიან ხმაურიანი, გადატვირთული და ზედმეტად კომერციული აღმოჩნდა. სანაპიროც არ მომეწონა: წყალი ცივი იყო, ტალღები დიდი, ხოლო ქვიშა შავი . მეათე დღეს, როგორც იქნა, გადავედი სემენიაკში, რომელიც აღმოჩნდა გაცილებით წყნარი, მოვლილი და ლამაზი ადგილი.

რეკლამა

სემენიაკი იდეალური ადგილია დამსვენებლებისთვის: აქ არის ულამაზესი სანაპირო, შესანიშნავი კაფეები, რესტორნები, კლუბები, მაღაზიები და სალონები. თუმცა, ფასები ჩანგუსთან შედარებით, ცოტა მაღალია. საცხოვრებელში თავიდან 20 დოლარს ვიხდიდი, თუმცა ერთი კვირის შემდეგ ვიპოვე უკეთესი და უფრო იაფი ვარიანტი.

სანაპიროზე ტალღები საკმაოდ ძლიერია, ამიტომაც ცურვა თითქმის შეუძლებელია. თუმცა, სანაპიროზე გასეირნება დიდ სიამოვნებას მანიჭებს. სემენიაკიდან კუტამდე სეირნობა მართლაც ულამაზესია. ერთხელ, ღამით, ზღვაში გიგანტურ კუს გადავეყარე, რომელიც სანაპიროზე კვერცხების დასადებად ამოვიდა .

სემენიაკში თითქმის ორი კვირა გავატარე, რის შემდეგაც ბალის ცენტრალური და სამხრეთ ნაწილის დათვალიერება დავიწყე, თუმცა ამაზე უკვე შემდეგ პოსტში გიამბობთ.

რეკლამა

#drpkhakadze