ტყუილისა და აბსურდის სამარცხვინო ტირაჟირება!
ოლიმპიადის გახსნის ცერემონია არ მოიცავდა ანტიქრისტიანულ რიტორიკას და აი რატომ:
1. ლეონარდო და ვინჩის “საიდუმლო სერობა” და მისი გაშარჟება აქ არაფერ შუაშია. ეს არ იყო უკანასკნელი ვახშამი. ეს იყო ძველი ბერძნული ბახანალიის გამოსახვა… რადგან, იცით, ოლიმპიადები ძველია და ბერძნულია. სიურპრიზი! მითქმა-მოთქმის გამომწვევი სცენა მე-17 საუკუნის ცნობილი ჰოლანდიელი მხატვრის, იან ვან ბეილერტის, ტილოს გაცოცხლება იყო. ამ ნახატს “ღვთაებათა ზეიმი” ეწოდება და ის “ლურჯი კაცი” ძველი ბერძნული ღმერთი ბახუსია (დიონისე) და არა იესოს გაშარჟების მცდელობა. დანარჩენი პერსონაჟებიც ოლიმპიელ ღვთაებებს განასახიერებენ და არა მოციქულებს. თუ არ იცით, ბახანალია არის უკონტროლო, უზომოდ ხანგრძლივი წვეულება. ასეთი წვეულებები ხშირად რამდენიმე დღე გრძელდებოდა და მათ ღვინის ღმერთ ბახუსს (ლურჯი ტიპი, დაფარული ვაზით) პატივს სცემდნენ. მას ასევე დიონისე ეწოდება, ბერძნული ნაყოფიერების ღმერთი, რომელიც მოგვიანებით ცნობილი გახდა როგორც ღვინის და სიამოვნების ღმერთი.
2. ის რკინის ცხენოსანი არის არა “აპოკალიპტური მხედარი”, არამედ მდინარე სენის მფარველი ქალღმერთი სექვინა, ამიტომაც ქვია სენას სენა! ის ოლიმპიური სულის და სენას გამოსახულებად იყო წარმოდგენილი.
3. ქალი წითელში მარი ანტუანეტი იყო. ის მართავდა საფრანგეთს და მას ღალატში, შეთქმულებაში და ქვეყნის ქონების მოპარვაში ადანაშაულებდნენ. გაიხსენეთ ეს?
4. არანაირი განცხადება კათოლიკურ ეკლესიას და ვატიკანს არ გაუკეთებია!
თუ ზოგიერთი თქვენგანი სკოლაში დადიოდა და სწავლობდა, ალბათ გეცოდინებოდათ ეს ყველაფერი.
გაუნათლებლობა კლავს…
სიყვარულით,
გიორგი ფხაკაძე
QR კოდი
სტატიის ციტირება
შენი ემიგრანტი. (2025). გიორგი ფხაკაძე პარიზის ოლიმპიადის შესახებ. 29 ივლისი, 2025. https://sheniemigranti.ge/giorgi-fkhakadze-parizis-olimpiadis-shesakheb/
