ინფორმაცია ემიგრანტებისთვის:
საყიდლებზე, სამუშაოდ თუ მშობელთა კრებაზე – გერმანული ენის ცოდნა ყველა ეტაპზე მნიშვნელოვანია…
გერმანული ენის შესწავლის ბევრი საშუალება არსებობს გერმანიაშივე, თუ საზღვარგარეთ. გერმანული ენის ცოდნა საზოგადოებაში ინტეგრაციისთვის ძალიან მნიშვნელოვანია.
მრავალი ორგანიზაცია სთავაზობს მსურველებს გერმანული ენის შემსწავლელ კურსებს, მაგ. გოეთეს ინსტიტუტი, საზოგადოებრივი კოლეჯები…
გერმანული ენის კურსებს ასევე სთავაზობს გერმანიის მიგრაციისა და ლტოლვილთა ფედერალური სამსახური. გაკვეთილები მიმდინარეობს როგორც ცალკე, ისე ჯგუფებში. არსებობს სპეციალიზებული გაკვეთილები დასაქმებულთათვის, განსაკუთრებული საჭიროების მქონე პირთათვის, ქალებისთვის, ასევე წერა-კითხვის უცოდინართათვის.
ასევე არსებობს კურსები, რომლებიც მიმდინარეობს ინტენსიურად, საღამოობით, შუადღეს ან შაბათ-კვირას.
რა თქმა უნდა, არსებობს ონლაინ კურსებიც: მაგ. გოეთეს ინსტიტუტის უფასო აპლიკაცია, ან ,,Deutschen Welle’’-ს მიერ შემოთავაზებული საინფორმაციო, სადაც სპეციალურად ლაპარაკობენ შედარებით ნელა. თუ თქვენ გსურთ ოჯახების გაერთიანების გზით გერმანიაში წასვლა, გერმანიის უმაღლესში სწავლა, პროფესიული განათლების მიღება, შესაბამისი ენის კურსის შემდეგ უნდა ჩააბაროთ გამოცდა და აიღოთ სერტიფიკატი. ჩაბარებული გამოცდა ყოველთვის დადებითად აისახება თქვენს სავიზო განაცხადზე.
ენის გამოცდა შედგება წერილობითი, მოსასმენი და ზეპირი ნაწილისგან, სადაც მოწმდება თქვენი გრამატიკის ცოდნა, სიტყვათა მარაგი, საუბარი და წერითი უნარები. ენის გამოცდა სხვადასხვა დონისაა: A1 და A2 ნიშნავს, რომ თქვენ ყოველდღიური სიტუაციების გაგება შეგიძლიათ. B1 და B2 ნიშნავს, რომ თქვენ დამოუკიდებლად შეგიძლიათ გამოიყენოთ გერმანული ენა. C1 და C2 ნიშნავს თქვენს ძალიან კარგ ენობრივ დონეს, რაც ენის ცოდნის დონით უტოლდება მშობლიურს. თითოეულ საფეხურზე შესაბამისი ცოდნის დონეს განსაზღვრავს ენების ერთობლივი ევროპული ჩარჩო. ენის გამოცდა სხვადასხვა ორგანიზაციებში შეგიძლიათ ჩააბაროთ. მაგ. გოეთეს ინსტიტუტი ან ტელკი (telc GmbH) სთავაზობენ ენის გამოცდას დაინტერესებულ ყველა პირს. ხოლო TestDaF და DH (გერმანული ენის გამოცდა უმაღლესში სწავლისთვის) განკუთვნილია მხოლოდ მათთვის, ვისაც გერმანულ უმაღლესში სურს სწავლა. რაც შეეხება DSD -ს (კულტურის სამინისტროთა კონფერენციის მიერ აღიარებულ გერმანული ენის
2 / 2
დიპლომი), ამ გამოცდას აბარებენ მოსწავლეები, რომლებიც სწავლობენ საზღვარგარეთ
ხოლო, მათ, ვინც უკვე გერმანიაში იმყოფება, გერმანიის მიგრაციისა და ლტოლვილთა ფედერალური სამსახური სთავაზობს ინტეგრაციისა და ორიენტირების კურსებს. ამ კურსებში მონაწილეობის უფლება აქვთ მათ, ვინც გერმანიაში იმყოფება დასაქმებულის სტატუსით, ჰუმანიტარული მიზეზებით ან/და ვისაც ოჯახების გაერთიანების საფუძველზე აქვს მიღებული გერმანიაში ყოფნის უფლება. უცხოელ საქმეთა უწყება აწესებს ვალდებულებას, რომ გერმანიაში ბინადრობის უფლების მოსაპოვებლად, პირმა უნდა გაიაროს ენის კურსები.
