ალბათ ყველა ადამიანის ცხოვრებაში დგება ის მომენტი, როცა დაუფიქრებლად უნდა ჩაბარგდეს, გასაღები, ტელეფონი აიღოს და წავიდეს. სწორედ ამიტომ, ბილეთების შესაძენმა ონლაინ საიტმა kiwi.com-მა გადაწყვიტა იმ დანიშნულებებისთვის მოეყარა თავი, რომელთა მონახულებაც უქმეებზე, ყველაზე ხელმისაწვდომ ფასშია შესაძლებელი.
პალერმო, იტალია
იტალიაში ჩასული ვიზიტორები, როგორც წესი, რომს, ფლორენციას, მილანსა თუ პიზას აწყდებიან და სიციალია ყოველთვის დაჩაგრული რჩება. არადა იმისთვის, რომ იტალიური ყოველდღიურობა ნახოთ და ქვეყნის გულის ცემაც შეიგრძნოთ – სწორედ ამ რეგიონს უნდა ესტუმროთ. ყველაზე დიდ ქალაქ პალერმოს კი ტურისტებისთვის აბსოლუტურად ყველაფერი აქვს- ისტორიული შენობები, უგემრიელესი სამზარეულო და დაუვიწყარი კულტურა.
პაფოსი, კვიპროსი
ძველი პაფოსი აფროდიტეს დაბადების ადგილად ითვლებოდა, რაც იმაზე მეტყველებს რომ ადგილი ნამდვილად ძალიან ძველია. ამიტომ ვისაც ისტორია და არქეოლოგია აინტერესებს, უკეთეს ადგილს ვერც კი ნახავს. გარდა უძველესი ნანგრევებისა, პაფოსი მნახველებს ულამაზეს ბუნებას და არაჩვეულებრივ სამზარეულოსაც უმზადებს.
მარიბორი, სლოვენია
ლიუბლიანა ძალიან საყვარელია, მაგრამ ჩრდილოეთში მიმალული რეგიონი მარიბორი ნამდვილი სასწაულია. ქალაქის ცენტრი მე-15 საუკუნეში აშენებული შენონებითაა ნაგები და მათ სიახლოვეს მოკალათებას და იქვე დაწურული ღვინის წრუპვას არაფერი სჯობს. თუმცა, მარიბორი ეს მხოლოდ ღვინის რეგიონი არ არის და დანიშნულება ხელოვნების მოყვარულებსაც ძალიან მოეწონებათ.
სარაევო, ბოსნია და ჰერცეგოვინა
სარაევო ოტომანთა იმპერიის, სლავური და ავსტრიულ-უნგრული სტილების ნაზავს წარმოადგენს და მისი დათვალიერება სხვა თუ არაფერი მხოლოდ ამის გამო მაინც ღირს. დასახლება უამრავი საინტერესო მუზეუმით, საიდუმლო გვირაბებითა და მე-20 საუკუნეში მომხდარი საინტერესო მოვლენების კვალითაა სავსე და ამ ყველაფრის ნახვა ემოციების გარეშე შეუძლებელია.
მასალის გამოყენების პირობები
